Bakıda hərbi vətənpərvərliklə bağlı konfrans keçirildi

Bakıda hərbi vətənpərvərliklə bağlı konfrans keçirildi

Konfransda rəhbər şəxslər və ölkədə fəaliyyət göstərən dini konfessiyaların rəhbərləri iştirak edib

Bakucity.az xəbər verir ki, paytaxtda Dini Qurumlarla İş üzrə Dövlət Komitəsinin (DQİDK) təşkilatçılığı ilə “Hərbi vətənpərvərliyin gücləndirilməsində dini icmaların yeri və rolu” mövzusunda konfrans keçirilib.

Konfransda Prezident Administrasiyası, Müdafiə, Gənclər və İdman nazirlikləri, Dövlət Sərhəd Xidməti, Daxili İşlər Nazirliyinin Daxili Qoşunları və Polis Akademiyasının təmsilçiləri, Bakı Beynəlxalq Multikulturalizm Mərkəzi, Qafqaz Müsəlmanları İdarəsinin rəhbər şəxsləri, eləcə də ölkəmizdə fəaliyyət göstərən dini konfessiyaların rəhbərləri iştirak edib.

Tədbirdə Azərbaycanın suverenliyi və ərazi bütövlüyü uğrunda şəhid olmuş hərbi qulluqçuların xatirəsinə həsr olunmuş “Şəhadət” sənədli filmindən fraqmentlərin nümayişindən sonra şəhidlərimizin xatirəsi bir dəqiqəlik sükutla yad edilib.

Qonaqlar arasında Prezident Administrasiyasının millətlərarası münasibətlər, multikulturalizm və dini məsələlər şöbəsinin məsul işçisi Pənah Cahangirov, Qafqaz Müsəlmanları İdarəsinin sədr müavini Fuad Nurullayev, Müdafiə Nazirliyinin şöbə rəisi Rauf Dəmirov, Dövlət Sərhəd Xidmətinin Şəxsi heyət üzrə baş idarə rəisi Bünyad Qaralov, Bakı Beynəlxalq Multikulturalizm Mərkəzinin icraçı direktoru Rəvan Həsənov, Gənclər və İdman Nazirliyinin Gənclərlə iş şöbəsinin Vətənpərvərlik və vətəndaşlıq tərbiyəsi sektorunun müdiri Əli Məmmədov, Rus Pravoslav Kilsəsinin Bakı və Azərbaycan Yeparxiyasının nümayəndəsi Dionisiy Svechnikov, Bakı şəhəri “Azərbaycan Bibliya Cəmiyyəti” xristian dini icmasının sədri Rasim Xəlilov, Bakı şəhəri Yevangelist Məsihi Baptistlərinin “Aqape” dini icmasının sədri Samir Sadıqov və digər icma nümayəndələri olub.

Tədbir milli-mənəvi və dini dəyərlərin təbliğində, dini radikalizmə qarşı mübarizədə, həmçinin milli-mənəvi dəyərlərimizin tərkib hissəsi olan hərbi vətənpərvərliyin gücləndirilməsində dini icmaların üzərinə düşən vəzifələr barədə fikir mübadiləsi aparılıb.

Bakıda hərbi vətənpərvərliklə bağlı konfrans keçirildi, fotoşəkil-1 Bakıda hərbi vətənpərvərliklə bağlı konfrans keçirildi, fotoşəkil-2 Bakıda hərbi vətənpərvərliklə bağlı konfrans keçirildi, fotoşəkil-3

Bakucity.az

Hərbi vətənpərvərlik
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər