Bakıda 600 kq-dan çox narkotik dövriyyədən çıxarıldı - FOTO

Bakıda 600 kq-dan çox narkotik dövriyyədən çıxarıldı - FOTO

Kultivasiya yolu ilə yetişdirilən narkotik bitkilərin aşkarlanması istiqamətində tədbirlər davam etdirilir

Daxili İşlər Nazirliyindən Bakucity.az-a verilən məlumata görə, Xətai Rayon Polis İdarəsi Cinayət Axtarış Şöbəsi və Narkotiklərlə Mübarizə Bölməsi əməkdaşlarının həyata keçirdikləri əməliyyat nəticəsində narkotik vasitələrin qanunsuz dövriyyəsi ilə məşğul olan əvvəllər məhkum olunmuş Denis Ardatyev saxlanılıb.

Onun üzərində şəxsi axtarış aparılan zaman narkotik maddə marixuana aşkarlanıb. D. Ardatyev ilkin sorğu zamanı bildirib ki, bir neçə gün əvvəl Xəzər rayonu Buzovna qəsəbəsində tanımadığı şəxsin hasarının çöl tərəfinə əyilmiş spesifik iyi olan bitki yarpağının bir neçəsini yığıb və özündə saxlayıb.

İdarə əməkdaşlarının həmin ünvanda keçirdikləri əməliyyat zamanı ev sahibi pataxt sakini Eldəniz Rüstəmov da tutulub.

Onun həyətyanı sahəsində olan istixanaya baxış keçirilən zaman kultivasiya yolu ilə yetişdirilən ümumi çəkisi 556 kiloqram olan 1206 ədəd narkotik tərkibli çətənə kolu və 65 kiloqram qurudulmuş marixana aşkarlanıb.

E.Rüstəmov ifadəsində narkotik tərkibli bitkiləri satmaq məqsədilə mart ayında əkdiyini etiraf edib.

Axtarış zamanı E.Rüstəmovun idarə etdiyi “Saipa” markalı avtomobildən əlavə olaraq siqaret qutusunda qablaşdırılmış 2 qram marixuana aşkarlanıb.

Faktla bağlı Xətai RPİ-də cinayət işi başlanılıb, əməliyyat və istintaq tədbirləri davam etdirilir. 

Bakıda 600 kq-dan çox narkotik dövriyyədən çıxarıldı - FOTO, fotoşəkil-1 Bakıda 600 kq-dan çox narkotik dövriyyədən çıxarıldı - FOTO, fotoşəkil-2 Bakıda 600 kq-dan çox narkotik dövriyyədən çıxarıldı - FOTO, fotoşəkil-3 Bakıda 600 kq-dan çox narkotik dövriyyədən çıxarıldı - FOTO, fotoşəkil-4 Bakıda 600 kq-dan çox narkotik dövriyyədən çıxarıldı - FOTO, fotoşəkil-5

Bakucity.az

narkotik
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər