Bakıda gedə biləcəyiniz fərqli dizaynı olan məkanlar - FOTO

Bakıda gedə biləcəyiniz fərqli dizaynı olan məkanlar - FOTO

Bu məkanlar fərqliliyi sevənlər üçün əla seçimdir

Bakıda restoran, kafe şəbəkəsi inkişaf edir. Demək olar ki, hər gün müxtəlif dizaynda restoranlar, kafelər istifadəyə verilir. Təbii ki, onların bir çoxunun özünəməxsus dizaynı və qaydaları var. 

Bakucity.az şəhərimizdə dizaynı ilə hər kəsi valeh edən, həmçinin qeyri-adi qaydaları olan istirahət məkanlarını araşdırıb. 

 “Salam Baku”

Görünüşcə köhnə şəhəri xatırladan 3 mərtəbəli restoranın hər mərtəbəsi xüsusi dizayn edilib. Restoranın 2-ci mərtəbəsində tütün məmulatlarından istifadə qadağandır. Məkanda paytaxtın müxtəlif tarixi ərazilərinin və binalarının fotoları asılıb. 

Bakıda gedə biləcəyiniz fərqli dizaynı olan məkanlar - FOTO, fotoşəkil-1

“Amazon Cafe”

“Amazon Cafe” ekzotik dünyası, mükəmməl dizaynı olan, əsasən uşaqlar və gənclər üçün nəzərdə tutulmuş əyləncə və istirahət mərkəzidir. Amma kafenin dizaynı böyüklərin də unudulmaz vaxt keçirmələri üçün düşünülüb. Kafedə içərisində bir çox oyun aparatları olan zal, uşaqların yaş qruplarına və istəyinə görə üz boyama, usta aşbazlar tərəfindən yemək bişirmə dərsi (günün menyusu) – “Cooking Class”, bir-birindən fərqli məhsullar və maraqlı uşaq geyimləri satılan mağaza, uşaqlar üçün ödənişsiz cizgi filmləri təqdim edən kino zalı fəaliyyət göstərir.

Bakıda gedə biləcəyiniz fərqli dizaynı olan məkanlar - FOTO, fotoşəkil-2

 “90-lar”

1990-cı ilin ab-havasını hiss edəcəyiniz, köhnə əşyalarla əhatələnən restoranda yazı makinası, lampa, kitablar, qədim kreslolar, qarmon, patefon və başqa əşyalar yer alıb. Burada çay və şokoladlı tost sifariş verə bilərsiniz. 

Bu məkanda masada xanım olmadan domino oynamaq olmaz.

Bakıda gedə biləcəyiniz fərqli dizaynı olan məkanlar - FOTO, fotoşəkil-3

“Gate 25”

25-ci mərtəbədə yerləşən və möhtəşəm şəhər mənzərəsi ilə əhatələnən bu məkanda dünyada kəsilən ağaclara, məhv edilən fauna örtüyünə diqqət çəkilib. Yəni, məkanda saysız bitki və ağaclar var. 

Bakıda gedə biləcəyiniz fərqli dizaynı olan məkanlar - FOTO, fotoşəkil-4

“Kolorit kafe”

Məkan öz rəngarəngliyi ilə seçilir. Burada çayın qiyməti müraciət formasına görə dəyişir. “Zəhmət olmasa, çay ver”, “Çay ver”, “Tez ol, çay ver” deyərək siz aldığınız çaya müxtəlif ödəniş edə bilərsiniz. 

Bakıda gedə biləcəyiniz fərqli dizaynı olan məkanlar - FOTO, fotoşəkil-5

“Old School Cafe and Shop”

Nostalji yaşamaq istəyirsinizsə, mütləq bu restorana baş çəkməlisiniz. Məkanda caz və 60-70-ci illərin musiqiləri səsləndirilir. Qədimi əşyaların marağındasınızsa, restoranda satışda olan əşyalardan ala bilərsiniz. 

Bakıda gedə biləcəyiniz fərqli dizaynı olan məkanlar - FOTO, fotoşəkil-6

“Boho Tea Room”

Maraqlı dizaynı ilə diqqət çəkən restoranda göydən asılmış çayniklər var. Bu, çaysevərlərdə xoş əhval yaratmaq üçün nəzərdə tutulub. Amma məkanda çayla yanaşı, içki və yemək də verilir. 

Bakıda gedə biləcəyiniz fərqli dizaynı olan məkanlar - FOTO, fotoşəkil-7

“150 Grill and Bar”

Terası ilə diqqət çəkən restoranda maraqlı aksessuar var. Canlı səslənən caz musiqisi isə məkana xüsusi ab-hava verir. 

Bakıda gedə biləcəyiniz fərqli dizaynı olan məkanlar - FOTO, fotoşəkil-8

“Hollywood Cinema Club”

Fərqli dizaynı ilə marağa səbəb olan klubda güllərdən, oyuncaqlardan və ayılardan ibarət xüsusi otaqlar var.

Bakıda gedə biləcəyiniz fərqli dizaynı olan məkanlar - FOTO, fotoşəkil-9 Bakıda gedə biləcəyiniz fərqli dizaynı olan məkanlar - FOTO, fotoşəkil-10 Bakıda gedə biləcəyiniz fərqli dizaynı olan məkanlar - FOTO, fotoşəkil-11

“Buddha Bar Baku”

Şəhərin ən qlamur məkanlarından sayılan “Buddha Bar Baku”da şərab və suşi növləri verilir. Buraya idman geyimində və açıq ayaqqabı ilə girmək qadağandır. 

Bakıda gedə biləcəyiniz fərqli dizaynı olan məkanlar - FOTO, fotoşəkil-12

“Sherlock”

Dənizkənarında yerləşən restoranda ağ rənglər hakimdir. Restoran maraqlı dizaynı və mənzərəsi ilə də diqqət çəkir.

Bakıda gedə biləcəyiniz fərqli dizaynı olan məkanlar - FOTO, fotoşəkil-13

Ramilə Qardaşxanqızı

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər