Bahh Tee "Jara"da nə vaxt çıxış edəcək? – FOTO

Bahh Tee "Jara"da nə vaxt çıxış edəcək? – FOTO

Bahh Tee: "Pre-party "JARA 2019" hamının bir araya gəlməsi üçün əla fürsətdir”

Bakucity.az xəbər verir ki, iyunun 22-də paytaxtın “Sea Breeze” istirahət mərkəzlərində “JARA 2019" beynəlxalq musiqi festivalının möhtəşəm “Pri-party”si keçirilib. 

Tədbirdə Rusiya və Azərbaycan şou-biznesinin nümayəndələri iştirak ediblər. 

Musiqi festivalının çoxsaylı qonaqları arasında məşhur rusiyalı müğənni, söz yazarı, "Jara FM" radiostansiyasının baş prodüseri, “Sbejim v Baku” hitinin müəllifi Bəxtiyar Əliyev (Bahh Tee) də olub.

Jurnalistlərə verdiyi açıqlamasında müğənni festivalın şərəfinə düzənlənən gecə barədə təəssüratlarını bölüşüb, çıxaracağı yeni albom barədə danışıb: 

“Ola bilsin ki, "JARA 2019" festivalının özü ilə müqayisədə “Pre-party” bir qədər aşağı səviyyədədir, amma bu bütün MDB ölkələrindən və Azərbaycandan olan möhtəşəm sənətçiləri bir araya gətirən tədbirdir.  Bu, həm də bir araya gəlmək və istirahət etmək, Bakını başqa ölkələrə göstərmək üçün əla fürsətdir”. 

Sənətçi Emin Ağalarovla birgə hazırladığı “Zhara Music” layihəsinə də toxunub. "BahhTee" layihəsini MDB məkanında ən uğurlu markalardan biri adlandırıb:

"Ötən il biz “Zhara Music” adlı marka buraxdıq, bu, Emin ilə birlikdə ortaq beyin məhsulumuzdur. Yarandığı il ərzində marka yaxşı nəticələr göstərdi. Bu, təkcə Rusiyada deyil, bütün MDB-də ən populyar və ən sürətli inkişaf edən musiqi markasıdır. 

“Zhara Music”-in yaradıcı komandası böyük layihələrdə uğur qazana bildiklərini göstərdi. Buna görə də, Emin qərara gəldi ki, bu komanda "Zhara FM" auditoriyasını böyütsə yaxşı olar. "Zhara FM"-in hazırki performansı çox böyükdür, amma hesab edirəm ki, biz daha yaxşı olacağıq".

Müğənninin fikrincə, layihə praktik olaraq bütün millətlərin sənətçilərini birləşdirir və bu da onu unikal edir:

Bahh Tee "Jara"da nə vaxt çıxış edəcək? – FOTO, fotoşəkil-1

"Bizim layihə müxtəlif millətlərin, üslub və janrların nümayəndələrindən ibarət 200-dən çox sənətçinin dərc olunmasında iştirak edir. Hər dəfə səhnədə çıxış edərkən göz gəzdirirdim və mənə maraqlı idi ki, Rusiyada müxtəlif millətlərin çox sayda nümayəndəsi və çox az sayda azərbaycanlı var. Əslində, böyük sənətkar Müslüm Maqamayevin vəfatından sonra, Rusiya səhnəsində Emin və məndən başqa bizim sənətçilərimizdən heç kim yox idi. Amma indi çox istedadlı həmyerlilərimizi görürürəm və istəyirəm onlarda hər şey yaxşı alınsın ki, ölkəmizi Rusiyada təmsil etsinlər. Bu gün kifayət qədər Azərbaycan mənşəli layiqli ifaçılar var: HammAli&Navai, Rauf&Faik, Joni, bu il rus şou-biznesində partlayış etmiş Elman Zeynalov. Həmçinin, biz, ortağım və dostum Eminlə mən”.

Bahh Tee-nin dediyinə görə, hələlik “Jara”da çıxış edənə qədər repertuarında təqdim etmək istədiyi elə bir mahnı yoxdur. 

“Albomum oktyabrın 5-də çıxacaq. Əslində, Bakıya iki gün gec gəlməliydim, çünki üç gün sonra burada mənim klip çəkilişlərim olacaq. Bu çəkilişlərə 2 aydır hazırlaşırıq. Amma sonra ayın 22-də festivalın “pre-party”sinin keçiriləcəyi elan olundu, bu gözəl tədbirdə iştirak etmək üçün bir neçə gün öncə gəlməli olduq”, - deyə sənətçi bildirib.

Müğənninin sözlərinə görə, o, Moskvada da bir klip çəkdirməyi planlaşdırılır. Albom üçün ümumilikdə 3 klip çəkiləcək.

Hələlik ictimaiyyətə möhtəşəm bir şey təqdim edəcəyimi hiss etmədiyim üçün səhnədə çıxış etmirəm. Ancaq albomum çıxdıqdan sonra səhnəyə dönə bilərəm. Ola bilsin ki, festivalda da çıxış edim", - deyə Bahh Tee fikrini tamamlayıb.

Züleyxa İsmayılova

Bakucity.az

jara
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər