Bakıda keçirilən final matçı turist axınına səbəb olub - FOTO

Bakıda keçirilən final matçı turist axınına səbəb olub - FOTO

May ayında Qərbi Avropadan gələn əcnəbilərin sayı 2 dəfə çox olub

Dövlət Turizm Agentliyindən Bakucity.az-a verilən məlumata görə, 2019-cu ilin may ayı Azərbaycanda turizmin ən uğurlu aylarından biri hesab oluna bilər. 

Belə ki, may ayı üzrə, bütün ölkələr və bölgələr üzrə səyahətçi sayının artması müşahidə olunub. 

Bu isə o deməkdir ki, 2018-ci ilin müvafiq dövrü ilə müqayisədə Azərbaycanı 18% və ya 246 min daha çox xarici vətəndaş ziyarət edib. 

Artımın ən böyük hissəsi Rusiya (11 min), Gürcüstan (10 min) və Qərbi Avropa (8.9 min) ölkələrinin payına düşür. 

Qərbi Avropa regionu 102% göstərici ilə Azərbaycanın turizm statistikasında daim öndə olan digər ölkələri xeyli dərəcədə geridə qoyaraq 2 dəfə artıb. 

Mərkəzi Asiya ölkələrindən gələnlərin sayında 58% və ya 4 min nəfər qeydə alınaraq əhəmiyyətli dərəcədə artım müşahidə olunub. 

Agentlikdən bildirilib ki, bu göstərici böyük ehtimalla mayın 29-da UEFA Avropa Liqasının final oyununu izləməyə gəlmiş futbolsevərlərin Bakıya axınının nəticəsində baş verib. 

Yekun olaraq, 2019-cu ilin yanvar-may aylarında Azərbaycana gələn xarici səyahətçilərin ümumi sayı 2018-ci ilin eyni dövrünə nisbətdə 4% artıb.

Bakıda keçirilən final matçı turist axınına səbəb olub - FOTO, fotoşəkil-1 Bakıda keçirilən final matçı turist axınına səbəb olub - FOTO, fotoşəkil-2 Bakıda keçirilən final matçı turist axınına səbəb olub - FOTO, fotoşəkil-3

Bakucity.az 

TURİZM
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər