Bakıda ilk beton konfransı keçirildi - FOTO

Bakıda ilk beton konfransı keçirildi - FOTO

Tədbir rəsmi hissədən və xarici qonaqların stendlərinin nümayiş olunduğu sərgidən ibarət olub

Bakucity.az xəbər verir ki, 20 iyunda “Four Seasons” hotelində “Azərbaycanda müasir beton texnologiyaları və inşaat istiqamətləri” mövzusunda beynəlxalq konfrans keçirilib.

“Norm Sement”, Beynəlxalq “CPI Worldwide” jurnalı və “ICCX (Beynəlxalq Beton Sərgi və Konfrans) Academy”nin birgə təşkilatçılığı ilə baş tutan tədbirdə 150-ə yaxın yerli və xarici qonaqlar, şirkət rəhbərləri, sement və beton ekspertləri, o cümlədən, mətbuat nümayəndələri iştirak edib.

Tədbirin keçirilməsində əsas məqsəd tikintiyə yeni həll yollarının gətirilməsi, beton istehsalında ən son texnologiyanın ölkədə tətbiqinin stimullaşdırılması, ümumilikdə son dövrlərdə geniş vüsət almış inşaat sektorunun inkişafına xidmət etməkdir.

Tədbir paralel şəkildə davam edən rəsmi hissədən və xarici qonaqların stendlərinin nümayiş olunduğu sərgidən ibarət olub.

Rəsmi hissədə Almaniyanın “Progress Group”, “Rekers”, “Kraft Curing Systems”, Polşanın “Arcen”, BƏƏ-nin “Ha-Be Betonchemie”, Danimarkanın “Hawkeye Pedershaab”, İspaniyanın “fib” şirkətlərinin nümayəndələri beton istehsalında qabaqcıl texnologiyalar, müasir həll metodları, müasir panel evlərin inşasının stimullaşdırılması və ən son tikinti tendensiyaları mövzusunda çıxışlar ediblər.

Beynəlxalq beton konfransına qatılan şirkət rəsmiləri çay və nahar fasilələri zamanı bir-birləri və xarici ekspertlərlə ünsiyyət qurmaq, fikir mübadilələri aparmaq və yeni işgüzar münasibətlərin qurulması müstəvisində müzakirələr aparmaq imkanı qazanıblar.

Tədbir iştirakçıları müasir beton və inşaat tendensiyaları barədə son yeniliklərə yiyələnməklə yanaşı Beynəlxalq beton istehsalçılarının ticarət jurnalı - CPI jurnalına 1 illik abunəlik əldə ediblər. (Oxu.az)

Bakıda ilk beton konfransı keçirildi - FOTO, fotoşəkil-1 Bakıda ilk beton konfransı keçirildi - FOTO, fotoşəkil-2 Bakıda ilk beton konfransı keçirildi - FOTO, fotoşəkil-3 Bakıda ilk beton konfransı keçirildi - FOTO, fotoşəkil-4 Bakıda ilk beton konfransı keçirildi - FOTO, fotoşəkil-5 Bakıda ilk beton konfransı keçirildi - FOTO, fotoşəkil-6 Bakıda ilk beton konfransı keçirildi - FOTO, fotoşəkil-7 Bakıda ilk beton konfransı keçirildi - FOTO, fotoşəkil-8 Bakıda ilk beton konfransı keçirildi - FOTO, fotoşəkil-9 Bakıda ilk beton konfransı keçirildi - FOTO, fotoşəkil-10

Bakucity.az

konfrans
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər