Bakıda kuryer şirkətləri hansı xidmətləri təklif edir? - ARAŞDIRMA

Beynəlxalq çatdırılma zamanı bir çox məhdudiyyətlər var

Son illər Bakıda kuryer xidmətinə tələbat artıb. Bu sahədə fəaliyyət göstərən bir çox şirkətlər var. Onlardan bəziləri ölkə və şəhər daxilində çatdırılma ilə yanaşı, beynəlxalq çatdırılmaları da həyata keçirir.

Bakucity.az paytaxtda kuryer şirkətlərinin hansı xidmətləri təqdim etməsi, hər hansı məhdudiyyətlər olub-olmaması, çatdırılma zamanı yaranan problemlərə görə müştəriyə təzminat ödənilməsi məsələsini araşdırıb. 

“Zaman Express” şirkətinin meneceri Səidə Nəsibova bildirib ki, onlarda şəhər, region, həmçinin bütün dünya ölkələri üzrə beynəlxalq çatdırılamalar həyata keçirilir:

"Biz istənilən ölçüdə, hətta iri bağlamaların çatdırılmasını təşkil edirik. Beynəlxalq çatdırılmalarda gömrükdə icazə verilən hər şeyi göndəririk".

Menecerin sözlərinə görə, onların şirkəti sənədlərin əslləri, qida, (həmçinin qoz,  ev bişintiləri) çatdırılması ilə məşğul olmur:

"Biz yalnız ştrix-kod olan məhsulları göndərə bilərik. İnsan sağlamlığına ziyan vura bilən, partlayıcı və yanar əşyalar olan yük və ya məhsulları da göndərmirik.

Müştərilər rəsm və ya xalçaları başqa ölkəyə göndərmək istəyəndə, biz belə bir yük üzrə xidmətlərimizi Xalça Muzeyi və ya Mədəniyyət Nazirliyi tərəfindən verilmiş rəsmi icazə bəyannaməsi olduğu təqdirdə təqdim edirik”.

Şirkət yükün qablaşdırmasını öz üzərinə götürürür, habelə problemsiz göndərilməsinə zəmanət verir. Əks halda müştəriyə təzminat ödənilir. 

“Global Express” şirkətinin meneceri Elman Abdullayev onlarda yalnız beynəlxalq çatdırılmaların həyata keçirildiyini deyib:

"Müştəri seçiminə görə hazır bağlama göndərmək olur, lazım gələrsə biz özümüz yüklərin qablaşdırılması ilə məşğul oluruq. Əlbəttə, biz bütün bağlamaların çatdırılmasını izləyirik. Yükün göndərilidyi ölkədən asılı olaraq müəyyən məhdudiyyətlər də var. Məsələn, Amerika və Avropaya qida məhsulları, meyvə-tərəvəz, odlu silah, tütün, spirtli içkilər göndərmək olmaz”. 

“Region Express” şirkətinin əməkdaşı Elnur Əliyev bildirib ki, onlarda yalnız Bakı daxilində və regionlar üzrə çatdırılma həyata keçirilir:

"Biz çox iri bağlamaları göndərmirik, yükün maksimal çəkisi 10 kq ola bilər. Ölkə daxilində olduğuna görə, çatdırılmanı izləmirik".

Şirkətin əməkdaşı qeyd edib ki, paytaxt daxilində çatdırılamda heç bir məhdudiyyət yoxdur.  

“Pony Express” şirkətin direktoru Şükufə Əbilova bildirib ki, onlarda şəhər daxili, regionlara və xaricə çatdırılma mövcuddur:

"Bu, 12 ölkədə filialı olan Rusiya şirkətidir. Biz həm kiçik, həm də iri həcmli yükləri daşıyırıq".

Direktorun sözlərinə görə, çatdırılmada heç bir məhdudiyyət yoxdur. Həmçinin, “Pony Express” yüklərin və malların gömrük rəsmiləşdirilməsini də həyata keçirir, müştəriyə broker xidmətləri göstərir:

"Göndərilən bütün əşyaları qablaşdıra bilirik. Çatdırılma zamanı yük korlandığı halda, ziyanı ödəyəcəyimizə təminat veririk. Bütün bağlamaların çatdırılması izlənilir”. 

“Baku Courier” şirkətin rəhbəri Emin Süleymanov qeyd edib ki, onlar beynəlxalq, regional və şəhər üzrə çatdırılma ilə məşğul olurlar:

"Biz yalnız qanunvericilikdə icazə verilən yükləri daşıyırıq. Bəzən iri həcmli yüklər də olur, onları da göndəriririk. Bizim şirkət vasitəsilə göndərilən yük xarab olarsa və itərsə, bu halda müştəriyə təzminat ödənilir. 

“SNN Express” şirkətin əlaqələndiricisi Vaqif Cəfərovun sözlərinə görə, bu şirkət Bakı daxilində, regionlara, eləcə də xaricə çatdırılma ilə məşğul olur:

“Məktub və digər sənədlər zərflərdə göndərilir. İri yüklərdə isə şirkət xüsusi qablaşdırma materiallarından istifadə edir.

Yaxşı olardı ki, müştərilər əvvəlcədən uzaq məsafələrə göndərəcəkləri bağlamaları sığortalasınlar. Çatdırılma zamanı bağlamayğa nəsə olarsa, yükün daşınmasına görə pulu geri qaytarırıq".

Qeyd edək ki, bağlamaların çatdırılması üçün qiymətləndirmə yükün növü, marşrutu, yanacaq xərcləri, məsafə və nəqliyyat növündən asılıdır.

Züleyxa İsmayılova

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Müsabiqəyə buraxılma şərtləri də Nazirlər Kabineti tərəfindən tənzimlənir. “Keçid balı müsabiqə zamanı formalaşır. Müsabiqəyə buraxılma şərtləri də Nazirlər Kabineti tərəfindən tənzimlənir. Bu sənəddə də hələ heç bir dəyişiklik yoxdur”. BakuCity.az xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə keçirdiyi onlayn brifinqdə deyib. DİM sədri xatırladıb ki, mart ayından sonrakı tədris proqramları builki imtahanlara...
Cəmiyyət
Xüsusi qayğıya ehtiyacı olan sağlamlıq imkanı məhdud uşaqların I sinfə qəbulu üzrə müraciətlərə başlanılır. Xüsusi qayğıya ehtiyacı olan sağlamlıq imkanı məhdud uşaqların I sinfə qəbulu üçün valideynlər ilkin olaraq www.mektebeqebul.edu.az saytında qeydiyyatdan keçib xüsusi təhsil formasını seçməlidirlər.  Təhsil Nazirliyindən BakuCity.az-a verilən məlumata görə, həmin valideynlər şəxsi kabinetində tələb olunan sənədlərlə (valideynin və uşağın şəxsiyyətini...
Cəmiyyət
Gənc ictimai xadim Aqil Acalov uşaqlara "Uşaqların Beynəlxalq Müdafiəsi Günü" münasibətilə təbrik ünvanlayıb. BakuCity.az xəbər verir ki, gənc ictimai xadim, Azərbaycan Braziliya Ciu-Citsu Klubu İctimai Birliyinin prezidenti Aqil Acalov 1 İyun Uşaqların Beynəlxalq Müdafiəsi Günü münasibətilə ünvanladığı təbrikdə yazır: Uşaqlar - sabahımız və gələcəyimizdir... Hər birimiz sabahımıza böyük ümidlərlə yanaşır, böyük arzular qururuq. Ümidlərimizin doğrulması və...
Cəmiyyət
“Naxçıvan Muxtar Respublikasında COVID-19-un təsirinə məruz qalmış qadınlara iqtisadi dəstək” Azərbaycan Mikromaliyyə Assosiasiyası (AMFA) Naxçıvan Muxtar Respublikasında Avropa İttifaqının (Aİ) maliyyələşdirdiyi və BMT-nin İnkişaf Proqramının (UNDP) qismən maliyyələşdirdiyi və icra etdiyi “Genderə Həssas Dayanıqlı İnkişaf Məqsədlərinin Həyata Keçirilməsində Vətəndaş Cəmiyyətinin Rolunun Artırılması” adlı daha geniş miqyaslı proqram çərçivəsində “Naxçıvan...
Cəmiyyət
Məktəbəhazırlıq qruplarına cəlb edilməmiş uşaqlar üçün I sinfə qəbul üzrə müsahibələrə başlanılır.  Nazirlər Kabinetinin "Azərbaycan Respublikasının ərazisində iş və istirahət günlərinin yerinin dəyişdirilməsi və xüsusi karantin dövründə qeyri-iş günlərinin müəyyən edilməsi haqqında" Qərarına uyğun olaraq tədrisi digər dildə aparılan və məktəbəhazırlıq qruplarına cəlb edilməmiş uşaqların müsahibələri (onlayn və ənənəvi qaydada) üzrə qeydiyyata bu gündən st...
Kriminal
Bakının Nizami rayonunda iki nəfər döyülüb, onlardan biri bıçaqlanıb. BakuCity.az xəbər verir ki, hadisə dünən gecə saatlarında Qara Qarayev prospekti, 71 ünvanında baş verib. Binanın həyətində 1992-ci il təvəllüdlü Manafov Nurlan Dövran oğlu və onun həyat yoldaşı 1993-cü il təvəllüdlü Vəlizadə Səidə Əkrəm qızı üç nəfər tərəfindən döyülüb. N.Manafov ayağından bıçaqlanıb. Hər iki yaralı 3 saylı şəhər xəstəxanasına yerləşdirilib. Faktla bağlı Nizami Rayon Po...
Cəmiyyət
Maskalarla bağlı cərimələr təsdiqlənib. Parlamentin dünən keçirilən iclasında İnzibati Xətalar Məcəlləsinə təklif edilən dəyişiklik müzakirə edilib. BakuCity.az xəbər verir ki, dəyişikliyə əsasən, epidemiya əleyhinə, sanitariya-gigiyena və karantin rejimləri dövründə tənəffüs yollarını qoruyan fərdi vasitələrdən istifadə ilə bağlıdır. Belə ki, müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər tərəfind...
Cəmiyyət
Bu gün Uşaqların Beynəlxalq Müdafiəsi günüdür. BakuCity.az xəbər verir ki, 1950-ci il iyunun 1-də BMT Baş Assambleyasının təşkilatçılığı ilə keçirilən qadınların beynəlxalq konfransında iyunun 1-ni uşaqların müdafiəsinə həsr etmək qərara alınıb. Bundan sonra həmin gün uşaqların beynəlxalq müdafiəsi günü kimi tarixə düşüb. BMT-də uşaq hüquqlarına dair konvensiya qəbul edilib, Azərbaycan müstəqillik qazandıqdan sonra bu konvensiyaya qoşulub. Bütün demokratik...
Ekologiya
Şəki şəhərinin mərkəzində görüntülənən qonur ayı xüsusi keyidici iynə ilə zərərsizləşdirilib. BakuCity.az xəbər verir ki, Ekologiya və Təbii Sərvətlər Nazirliyinin Bakıdan Şəkiyə ezam olunmuş əməkdaşları ayının təhlükəsiz vəziyyətdə vəhşi təbiətə qaytarılması üçün tədbirlər görür. BakuCity.az