Bakıda kompüter harada ucuz və keyfiyyətli təmir edilir? - ARAŞDIRMA

Bakıda kompüter harada ucuz və keyfiyyətli təmir edilir? - ARAŞDIRMA

Paytaxtın servis mərkəzləri: xidmət və qiymətlər

Kompüter təmiri üçün sərfəli qiymətlərlə geniş ceşidli xidmətlər təklif edən servis mərkəzi tapmaq vacibdir. 

Bakucity.az paytaxtda bu sahədə xidmət göstərən şirkətlər barədə araşdırma aparıb. 

Sözügedən şirkət nümayəndələri saytımıza kompüter təmiri qiymətləri, diaqnostika və bu kimi başqa məsələlər barədə danışıblar.

Şirkətlər və xidmətlər

Müştəriləri ən çox narahat edən maqam kompüter təmiri mərkəzlərində formatla bağlı vaxtdır. Bu iş üçün cəmi 1 saat tələb olunduğu halda, servis müştəridən 2-3 saat, bəzən isə 1 gün vaxt istəyir. “AZTS” servis mərkəzin mühəndisi Elşən Talabəyov bunun səbəbini izah edib:

“Sevis mərkəzlərində format 2-3 saat çəkməsinin səbəbi odur ki, 1 saat çəkən əsas işdən sonra kompüterin işinin müştəriyə təhvil verilməmiş yoxlanmasıdır. Müştəri narazı qalmasın deyə, drayver və proqramların necə işlədiyini yoxlamağa məcburuq”.

Mühəndisin sözlərinə görə, onlar yalnız “HP” şirkətinin texnikası ilə işləyirlər. Ən çox müraciət notbukların qızması ilə bağlı olur:

 “Əsasən “HP” şirkətinin məhsullarının  zəmanətli təmiriylə məşğuluq. Sıradan çıxma səbəbləri müxtəlif olduğuna görə, bəzən bahalı detalların dəyişdirilməsinə ehtiyac olur. Bu baxımdan kompüter və ya printerin təmirinin neçəyə başa gələcyini əvvəlcədən demək çətindir”.

“AKOGROUP” şirkətinin direktoru Əli Məmmədov bildirib ki, onlar format, təmir və katriclərin doldurulmasını həyata keçirir:

“Ən çox formatı üçün müraciət olunur, belə iş bizdə bir saat və ya saat yarım çəkir. Biz “HP” və “Canon” şirkətinin texnikaları ilə işləyirik”.

“BASTION” şirkətinin direktoru Elçin Camalov deyib ki,  onlarda aylıq xidmət həyata keçirilir: 

“Biz demək olar ki, bütün markalardan olan kompüter texnikalarına qulluq edirik. Format bizdə 2 saat çəkir. Geniş xidmət spektiri var. Əgər kompüteri təmir üçün versələr, diaqnostika üçün pul almırıq”.

“BESTEL” şirkətinin əməkdaşı Rəsul Mehralıyevin sözlərinə görə, onlarda “HP”, “Lenovo” və “Acer”in kompüter texnikalarının təmiri mümkündür: 

“LCD”, ana plata, printer və s. məsələlərlə bağlı müxtəlif problemlərlə müraciət edirlər. Biz yalnız lisenziyalı “Windows” fayl sistemi yüklədidiyimizə görə, xidmətlər kifayət qədər baha olur. Diaqnostika 2-3 gün ərzində aparılır, qiyməti gətirilən texnikadan asılıdır”

Qiymət cədvəli

Bu cədvəldə oxuclara paytaxtımızın bəzi sevis mərkəzlərinin diaqnostika və format üçün qiymətləri ilə tanış olmağı təklif edirik. Digər xidmətlərin qiymətləndirilməsi dəyişdiriləcək detaldan və xarab olma dərəcəsindən asılıdır. 

Servis mərkəzi

Diaqnostika

Format

AZTS

20 AZN

---

AKOGROUP

20-30 AZN

25-56 AZN

BASTION

10-15 AZN

25 AZN

BESTEL

10-30AZN

250-300AZN

Apple Cervice Center

20 AZN

50 AZN

RIEL Company

20AZN

290 AZN

SED

---

20 AZN

Züleyxa İsmayılova

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər