Bakıda tarixi filmlərin çəkildiyi bina acınacaqlı durumdadır - FOTO / ARAŞDIRMA

Bina istifadəyə veriləndən əsaslı təmir olunmayıb          

Bakının Yasamal rayonunda yerləşən və 500-ə yaxın otağı olan Cəfər Cabbarlı adına “Azərbaycanfilm” kinostudiyasının binası hazırda acınacaqlı vəziyyətdədir. Bir əsrə yaxın yaşı olan binada sonuncu dəfə 40 il əvvəl təmir işləri aparılıb, əsaslı təmir isə heç vaxt olmayıb. 

Maraqlıdır, bu binanın təmiri nəzərdə tutulubmu? Hazırda kinostudiyada dövlət sifarişi ilə filmlər çəkilirmi? Kinostudiyanın balansında olun avadanlıqlar, geyimlər və aksesuarlar qorunurmu? 

Bakucity.az-ın bu suallarını kinostudiyanın direktoru Müşfiq Hətəmov cavablandırıb.

M. Hətəmov: “Kinostudiyanın binasında 30-40 il əvvəl təmir işləri aparılıb”

Müşviq Hətəmovun sözlərinə görə, bina istifadəyə verildiyi 100 ilə yaxın müddətdə heç vaxt əsaslı təmir olunmayıb:

“Kinostudiyaya direktor vəzifəsinə gəldiyim dövrdə (2011-ci il) pavilionlarda, otaqlarda və dəhlizlərdə daxili hesabımıza bəzi təmir işləri aparmışıq ki, studiya fəaliyyət göstərsin. Daha sonra məlum olduğu kimi, dövlətin də maliyyə dəstəyi ilə fransız şirkəti tərəfindən kinostudiyanın əsaslı təmiri üçün konseptual layihə işlənib hazırlandı, amma devalvasiya dövrünə düşdüyü üçün işlər dayandırıldı. Dəqiq vaxt deyə bilməsəm də, bilirəm ki, yaxın gələcəkdə kinostudiyanın yenidən qurulması nəzərdə tutulub”.

Kinostudiyada sadəcə film çəkilmir

Müşfiq Hətəmov bildirib ki, hər yerində belə kinostudiyalar var və onlar demək olar ki, sadəcə filmlərin istehsalı ilə məşğul olmur:

“Bu gün “Azərbaycanfilm” kinostudiyasında dövlət və özəl studiyalara fəaliyyət göstərmələri üçün şərait yaradırıq. Kinostudiyanın binasında 500-ə yaxın otaq var və burada “Səlnamə”, “Yaddaş”, “Mozalan” kimi dublyaj studiyaları, "İctimai" TV, AZTV və s. televiziyalarımız, özəl studiyalar povilyonlarımızdan istifadə edərək öz layihələrini həyata keçirirlər. Dünya təcrübəsində də bu tipli studiyalar əsasən belə fəaliyyət göstərir”. 

Kinostudiyanın balansında olun qədimi geyim və aksesuarlara gəlincə, direktor bu xəzinənin yüksək səviyyədə qorunub saxlandığını deyib:

“Bizim böyük geyim mərkəzimiz, dekorasiya seximiz, protexniki studiyamız da var ki, biz bu bazanı daha da inkişaf etdiririk. Bura təkcə kinostudiya kimi yox, həm də ölkə tarixini, keçmişi canlandırmaq üçün dövrlərə aid əşyaların toplanmasında əvəzsiz rola malik muzeydir. Biz bütün bu bazanı xüsusi diqqətlə qoruyub saxlayırıq”.

Direktor kinostudiyanın üzləşdiyi maliyyə problemlərinə baxmayaraq, çəkilən yeni filmlərdən də danışıb: 

“Son iki ildə maliyyə ilə bağlı ciddi problemlərimiz var idi, amma hazırda fəaliyyətimizi dayandırmamışıq, müşdərək filmlərin (iki qısa və tammetrajlı) çəkilməsinə nail olmuşuq. Hazırda “Azərbaycanfilm” kinostudiyasının nəznində “Gənc sinemaçılar” klubu da fəaliyyət göstərir ki, burada azərbaycanda və xaricdə yaşayan istedadlı gənclər filmlər çəkir, özlərini sınaqdan keçirirlər. 

Cənab prezident tərəfindən ölkədə kinonun inkişafına dair konsepsiyanın hazırlanması üçün sənədlər imzalanıb, vəsait ayrılıb və biz də öz təkliflərimizi artıq Mədəniyyət Nazirliyinə təqdim etmişik ki, fəaliyyətimizi daha da genişləndirək. Bundan əlavə, nazirlik tərəfindən keçirilən kino müsabiqəsinin də yekunlarıdır, yaxın ügnlərdə tammetrajlı filmlərin çəkilişinə başlayacağıq”.

Nəriman Əliyev: “Heç bir tikilinin əsaslı təmiri üçün qoyulan müddət bir əsrdən çox deyil”

Dövlət Memarlıq və İnşaat Universitetinin professoru, Əməkdar memar Nəriman Əliyev bidlirib ki, inşa olunan bina nə qədər gözəl, möhkəm olursa olsun, o müəyyən vaxtdan sonra təmir edilməlidir:

"Təəssüf ki, C. Cabbarlı adına “Azərbaycanfilm” kinostudiyasının binası bu vaxata qədər əsaslı təmir edilməyib.

Bütün tikilmiş binaların yenidən möhkəmləndirilməsinə ehtiyyac var. Təmirin neçə ildən bir olmasına gəlincə, bu, binanın tikildiyi yerin, bünövrəsinin xüsusiyyətinə görə planlaşdırıla bilər. Xüsusilə binanın necə tikildiyi və necə istifadə olunduğu önəmlidir, eləcə də binanın bünövrəsində lay sularının nə vəziyyətdə olması vacibdir. Amma heç bir tikilinin əsaslı təmiri üçün qoyulan müddət bir əsrdən çox deyil, bu dəqiqdir”. 

Ən məşhur Azərbaycan filmləri bu kinostudiyada çəkilib

1920-ci ildən təməli qoyulan “Azərbaycanfilm” kinostudiyasında Azərbaycanın kino tarixinə adı qızıl hərflərlə yazılan “Arşın mal alan”, “Fətəli xan”, “Bakının işıqları”, “Bəxtiyar”, “O olmasın, bu olsun”, “Uzaq sahillərdə”, “Ögey ana”, “Bir qalanın sirri”, “Bir cənub şəhərində”, “Yeddi oğul istərəm”, “Axırıncı aşırım”, “Ad günü”, “Qaynana”, “İstintaq”, “Gün keçdi”, “Şərikli çörək”, “Hacı Qara”, “Sevil”, “Bakılılar”, “Bəxtiyar”, “Sovqat”, “Biz Bakını müdafiə edirik”, “Bakı döyüşür”,  son iyirmi il ərzində “Ağ atlı oğlan”, “Haray”, “Ümid”, “Sarı gəlin”, “Biz qayıdacaqıq”, “Yalan”, “Arxada qalmış gələcək”, “Girov”, “Dolu”, “Yarımçıq xatirələr”, “Nabat”, “Çölçü”, “Axınla aşağı”, “Nar bağı”, “Qırmızı bağ”, “İçəri şəhər”, “Dərs”,  “Məhkumlar”, “İstanbul reysi”, “Əlavə təsir”, “Buta”, “Qisas almadan ölmə”, “Keçmişdən məktublar”, “Sübhün səfiri”, “Mahmud və Məryəm”, “Qala” və s. kimi yüzlərlə bədi və sənədli filmlər çəkilib. 

Xatırladaq ki, “Azərbaycan kinosunun 2008-2018-ci illər üzrə inkişafına dair Dövlət Proqramı”nda yer alan çoxsaylı göstərişlərlə yanaşı, film istehsalı üçün nəzərdə tutulmuş texniki xidmətlərə malik, ən müasir səviyyədə texnoloji avadanlıqla təchiz edilmiş Film İstehsalı Mərkəzinin yaradılması da nəzərdə tutulub.

Ramilə Qardaşxanqızı

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Hadisələr
Bakının Səbail rayonunda iki avtomobil toqquşub. BakuCity.az xəbər verir ki, hadisə Bakı-Salyan şossesinin üçüncü kilometrliyində qeydə alınıb. “Kia” markalı avtomobil hərəkətdə olan zaman “Lada Priora” markalı nəqliyyat vasitəsi qəfil onun qarşısına çıxıb. Qəza nəticəsində hər iki avtomobilin sürücüləri müxtəlif bədən xəsarətləri alıb. (APA TV) BakuCity.az
Cəmiyyət
Karantin qaydalarına riayət etməyən sərnişinlər var. "Bakı metrosundan istifadə edən sərnişinlərin karantin qaydalarına əməl etmələri xahiş olunur. Əks təqdirdə bu, metronun fəaliyyətinin yenidən bağlanmasına şərait yarada bilər". BakuCity.az xəbər verir ki, bunu "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov bildirib. B.Məmmədov deyib ki, metropolitenin bütün stansiyalarında karantin qaydalarına riayət edən və etməyən sərnişinlə...
Siyasət
Donald Tramp Amerikanın ən güclü silaha sahib olduğunu deyib. Amerika Birləşmiş Ştatları Prezidenti Donald Tramp bir daha ölkəsinin həm Rusiya, həm də Çinin həsəd aparacağı ən güclü silaha sahib olduğunu deyib. BakuCity.az xəbər verir ki, Ağ Evin rəhbəri seçkiqabağı mitinqdə çıxışı zamanı bu silahın bəşər tarixində ən böyük silah olduğunu bildirib. Trampın dediyinə görə, ordunu canlandırmağa və heç kimin ağlına belə gətirməyəcək səviyyəyə qaldırmağa müvəff...
Cəmiyyət
Bakı, Sumqayıt və Abşeronda ictimai nəqliyyat işləməyəcək. Bu gündən sərtləşdirilmiş xüsusi karantin rejiminin tətbiq olunduğu Bakı, Sumqayıt şəhərləri və Abşeron rayonunda həftəsonu ictimai nəqliyyat işləməyəcək. BakuCity.az xəbər verir ki, bu barədə Nazirlər Kabineti yanında Operativ Qərargah qərar qəbul edib. Qərara əsasən, 19 sentyabr saat 00:00-dan 21 sentyabr saat 06:00-dək Bakı, Sumqayıt şəhərləri və Abşeron rayonunda ictimai nəqliyyatın hərəkəti və...
Kriminal
Bakıda intihara cəhd olub. BakuCity.az xəbər verir ki, hadisə Biləcəri qəsəbəsində qeydə alınıb. 33 yaşlı Sahil Məmmədov yaşadığı evin həyətindəki köşkdə özünü asıb. Hadisə yerinə yetişən şəxslər onu xilas edib. Yaralı təcili tibbi yardım briqadasının köməkliyi ilə xəstəxanaya çatdırılıb. BakuCity.az
Cəmiyyət
Tofiq Yaqublunun vəkilinin vəsatəti təmin edilib. Bu gün Bakı Apelyasiya Məhkəməsində 4 il 3 müddətinə azadlıqdan məhrum edilməsi barədə hökmə etiraz olaraq aclıq aksiyası keçirən Tofiq Yaqublunun məhkəməsi keçirilib. BakuCity.az xəbər verir ki, hakim Elmar Rəhimovun qərarı ilə T.Yaqublunun vəkilinin vəsatəti təmin edilib və T.Yaqublu ev dustaqlığına buraxılıb. Həmçinin oxu: Bakı polisi və prokurorluq Tofiq Yaqublu ilə bağlı birgə məlumat yaydı Qeyd edək k...
Cəmiyyət
"Sədərək" nəzarətə götürülüb. Bakıda pandemiya ilə əlaqədar fəaliyyəti dayandırılan "Sədərək" Ticarət Mərkəzi bazar ərazisində qanunsuz fəaliyyət göstərən sahibkarlarla bağlı xüsusi komissiya yaradıb. BakuCity.az xəbər verir ki, bu barədə açıqlamasında "Sədərək" Ticarət Mərkəzinin İdarə Heyətinin müşaviri Mikayıl Qədimov deyib. Müşavirin sözlərinə görə, hazırda ticarət mərkəzinin bütün giriş-çıxışları nəzarətə götürülüb: "Bu barədə ticarət mərkəzinin rəhbə...
Cəmiyyət
Sutka ərzində ümumilikdə 117 nəfər koronavirus infeksiyasına yoluxub. Azərbaycanda koronavirus (COVID-19) infeksiyasına 117 yeni yoluxma faktı qeydə alınıb, 135 nəfər müalicə olunaraq sağalıb və evə buraxılıb. Nazirlər Kabineti yanında Operativ Qərargahdan Bakuity.az-a verilən məlumata görə, COVID-19 üçün götürülən analiz nümunələri müsbət çıxmış 1 nəfər vəfat edib. BakuCity.az
Cəmiyyət
Pensiya sistemi təkmilləşdirilir. Pensiyaçıların sosial müdafiəsinin daha dolğun təminatı üçün Əmək və Əhalinin Sosial Müdafiəsi Nazirliyində "Əmək pensiyaları haqqında qanuna dəyişiklik" layihəsi hazırlanıb. BakuCirty.az xəbər verir ki, Əmək və Əhalinin Sosial Müdafiəsi Nazirliyi pensiya qanunvericiliyində bir sıra dəyişiklikləri nəzərdə tutan layihə hazırlayıb. Layihə pensiyaçıların hüquqlarının artırılmasına, güzəştli pensiya təminatının əlçatanlığına ş...