Bakıda o qadağa bu gecədən başlayır, 40 manat cəriməsi var

Bakıda o qadağa bu gecədən başlayır, 40 manat cəriməsi var

Sürücülərdən diqqətli olmaları tələb edilir

Bakucity.az xəbər verir ki, bu gecədən etibarən paytaxtın bəzi küçə və prospektlərində sarı zolaq qadağası qüvvəyə minəcək.

“Baku 2019” - Avropa Gənclər Yay Olimpiya Festivalı ilə əlaqədar olaraq paytaxtın “Ziya Bünyadov”, “Q.Qarayev”, “Neftçilər”, “Atatürk”, “H.Ələsgərova”, “Azadlıq”, “Z.Əliyeva, “Tiblisi, “Moskva”, “Ü.Hacıbəyov”, R.İsmaylov və s. küçə və prospektlərində çəkilmiş sarı rəngli və xüsusi işarəli avtomobil zolaqları kameralar vasitəsilə tam nəzarətə götürülüb.

Sarı zolaqlar üzrə digər avtomobillərin hərəkət etməsi avtomobil sahibləri və sürücülərin inzibati məsuliyyətə cəlb edilməsinə hüquqi zəmin yarada bilər. Sürücülərə tövsiyə olunur ki, bu zolaqlar üzrə hərəkət etməsinlər.

Qeyd edək ki, bu zolaqlara icazəsiz daxil olan nəqliyyat vasitələri 40 manat məbləğində cərimə ediləcək.

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər