Bakıda film kimi hadisə, “Gelandewagen" YPX-dan belə qaçdı – VİDEO

Bakıda film kimi hadisə, “Gelandewagen" YPX-dan belə qaçdı – VİDEO

Yasamal rayonunda iki avtoxuliqanlıq faktı qeydə alınıb

Bakucity.az xəbər verir ki, Bakıda yol polisi tərəfindən keçirilən profilaktik tədbirlər zamanı 90 ZJ 357 dövlət nömrə nişanlı, "Mercedes Gelandewagen" markalı avtomobili idarə edən Paşa Hüseynov avtoxuliqanlıq edib.

Belə ki, "Qələbə" dairəsi xidmət aparan YPX əməkdaşları həmin sürücünün 3000 manatdan artıq cərimə borcunun olduğunu müəyyən ediblər. Daha sonra avtomobilin saxlanılması üçün işarə veriblər. Amma sürücü maşını saxlamayaraq oradan uzaqlaşıb.

Sürücü yol hərəkəti qaydalarını müxtəlif üsullarla pozaraq təhlükəli manevrlər edib, sürət həddini aşaraq Şərifzadə küçəsinə daxil olub.

Bir qədər sonra isə süni tıxac yaradılaraq yaxalanacağını görən sürücü avtomobili Şərifzadə küçəsində saxlayaraq ASAN Xidmətin binasına daxil olub.

Polis əməkdaşları sürücünü ASAN Xidmətin binasında aşkar edərək DYP şöbəsinə gətiriblər. Avtomobil isə cərimə meydançasına aparılıb. Lakin sürücü telefonla danışması üçün şərait yaradılmasını xahiş edib və yaranmış vəziyyətdən istifadə edərək şöbədən qaçıb.

Aparılan araşdırmalar zamanı məlum olub ki, Paşa Hüseynovun sürücülük hüququ məhdudlaşdırılıb.

Lakin o, hələ də sürücülük vəsiqəsini təhvil verməyib. Nərimanov rayon məhkəməsinin bunula bağlı müvafiq qərarı da var. 

Onun barəsində toplanmış materiallar baxılması üçün məhkəməyə təqdim olunub.

Digər avtoxuliqanlıq faktı isə "Niva" markalı avtomobil ilə bağlıdır. Sürücü Emin Muradov yol polisi tərəfindən verilən saxla işarəsinə tabe olmayaraq avtomobil ilə qaçmağa çalışıb.

Onun saxlanmasına səbəb isə avtomobilə edilmiş konstruksiya dəyişikliyidir. Sürücü qısa müddətdə saxlanılıb və avtomobil cərimə meydançasına aparılıb.

Lakin cərimə meydançasının qarşısında sürücü tabesizlik göstərərək avtimobil ilə birlikdə oradan uzaqlaşmağa nail olub.

Hazırda həmin avtomobilin saxlanılması üçün tədbirlər görülür.

Sürücü barəsində toplanmış materiallar aidiyyəti üzrə məhkəməyə göndərilib. (Baku.ws)

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər