Bakı Fond Birjasında fyuçerslərin ticarətə buraxılması layihəsinə start verildi

Bakı Fond Birjasında fyuçerslərin ticarətə buraxılması layihəsinə start verildi

Layihəyə Nəzarət Palatası dəstək göstərir

Bakucity.az xəbər verir ki, “Bakı Fond Birjası” QSC-nin (BFB) ticarət platformasında fyuçers törəmə maliyyə alətlərinin ticarətə buraxılması layihəsi üzrə BFB və üzvlərindən ibarət işçi qrupu yaradılıb.

Layihəyə həmçinin Maliyyə Bazarlarına Nəzarət Palatası tərəfindən dəstək göstərilir.

BFB-dənverilən məlumata görə, fyuçers törəmə maliyyə alətlərinin standartlaşdırılmış formada fond birjası vasitəsilə ticarətə buraxılmasının əsas üstünlüyü xarici valyuta üzərindən əməliyyat aparan bazar iştirakçıları üçün valyuta risklərinin idarə olunması və minimallaşdırılması üçün hedcinq imkanları yaratmasıdır.

Müxtəlif növ investorlar tərəfindən fyuçers tipli yeni alətlərə marağın göstərilməsi həmçinin fond birjasında ticarət üzrə likvidliliyin artmasına və bazar qiymətlərinin daha effektiv müəyyən olunmasına səbəb olacaq. (Trend.az)

Bakucity.az

“Bakı Fond Birjası”
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər