Bakıda dərman firması cərimələndi

Bakıda dərman firması cərimələndi

Maliyyə Bazarlarına Nəzrət Palatası “Qırxbulaq” MMC-ni cərimələyib.

Bakucity.az xəbər verir ki, şirkət İnzibati Xətalar Məcəlləsinin 430.4-cü (avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə) maddəsi ilə təqsirli bilinib.

Bu inzibati xətaya görə, hüquqi şəxslər inzibati xətanın bilavasitə obyekti olmuş valyuta vəsaitinin iyirmi faizindən otuz faizinədək məbləğdə cərimə edilir.

Binəqədi Rayon Məhkəməsinin 2 iyul 2019-ci il tarixli qərarından “Qırxbulaq” MMC-nin verdiyi apelyasiya şikayətinə Bakı Apelyasiya Məhkəməsində baxılır.

Qeyd edək ki, “Qırxbulaq” MMC dərman preparatlarının satışını həyata keçirən şirkətdir. (Report)

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər