Bakıda "Jara-2019" festivalının mətbuat konfransı keçirildi - FOTO

Bakıda "Jara-2019" festivalının mətbuat konfransı keçirildi - FOTO

Açılışdan əvvəl təşkilatçılar mətbuata açıqlama verib

Bakucity.az xəbər verir ki, Azərbaycanın xalq artisti Emin Ağalarov, Rusiyanın əməkdar artisti Qriqori Leps, “Rusiya radiosunun” və “Qızıl Qramofon” mükafatının təsisçisi Sergey Kojevnikov jurnalistlərin suallarını cavablandırıb.

Bundan əlavə, mətbuat konfransında Ani Lorak, Olqa Buzova, Flipp Kirkorov, Lolita, Zivert, teleaparıcı Yana Çurikova və başqaları iştirak ediblər.

Jurnalistlərin suallarını cavablandıran Emin Ağalarov qeyd edib ki, festivalın miqyası artır. O, festivalın coğrafiyasını genişləndirəcəyini də vurğulayıb:

"Layihəmizin artıq 4 yaşı var, izləyicilərin, heyətin sayı artıb. Bu il festival ABŞ-da, Almaniyada, Belarusiyada keçiriləcək ”.

Emin Ağalarov əlavə edib ki, Builki festival çərçivəsində maraqlı ifalarla yanaşı, duetlər və yalnız ifaçıların iştirakı ilə “Jara-2018”haqqında çəkilmiş filmə baxış olacaq.

"Bu il festivalda dörd gün ərzində 200-dən çox ifaçı çıxış edəcək. İyulun 26-da ötən il çəkilmiş “Odnajdı na Jare” filminin ulduzlar üçün təqdimatı olacaq. Bu ekran əsərində festivalın iştirakçıları rol alıb".

Mətbuat konfransında, həmçinin festivalın digər təşkilatçıları - Rusiyanın Əməkdar artisti Qriqori Leps, Olqa Buzova, Yana Çurikova, dünya şöhrətli ifaçılar Filipp Kirkorov, Ani Lopak, Sergey Kojevnikov və Zivert jurnalistlərin suallarını cavablandırıblar.

Olqa Buzova festivalda hər çıxışa hazırlaşmağın nə qədər vacib olduğunu, buna görə də çıxışlarına həmişə diqqətlə hazırlandığını söyləyib.

“Dörd gün ərzində əsl musiqi bayramı olacaq. Mən çox festivalda iştirak etmişəm, “Jara” Beynəlxalq Musiqi Festivalı çox yüksək səviyyədə təşkilatçılığı ilə digərlərindən seçilir”, - deyə Filipp Kirkorov vurğulayıb.

Filipp Kirkorov, bir gün əvvəl Bakını gəzdiyini də xatırladaraq, həmkarı Ani Loraka Bakı alış-veriş etməyi tövsiyə edib.

O,  Azərbaycan xalq aktrisası Aygün Kyazimova ilə qarşıdakı dueti barədə də danışıb:

“Aygün ilə 10 ildən çoxdur dostam. Bilirsiniz ki, uzun müddət bir sıra səbəblərdən ölkənizə gələ bilmədim. Aygün Kazımova mənə bu fürsəti vermək üçün çox iş gördü. Emin də çox iş gördü ki, Bakıda çıxış edim”.

Öz növbəsində Lolita, Emin Ağalarova sənətçilərə belə bir münasibət göstərdiyinə görə təşəkkür edib:

“Emin hava limanında hamını şəxsən qarşıladı. Onun bizim üçün etdiklərini yüksək qiymətləndiririk”.

Müğənni Ani Lorak festivalın hər il daha da yaxşılaşdığını qeyd edib:

“Birinci ildə problemlərin ola biləcəyindən narahat olduq. Ancaq indi bunun uğurlu bir layihə olduğunu bilirik. Bakıya gələn sənətçilər böyük məmnunluq hissi keçirirlər. Hər il növbəti görüşü gözləyirik. Buna görə də, bu festivala uzun ömür arzulayıram. "

Tanınmış teleaparıcı Yana Çurikova qeyd edib ki, "Jara" həqiqətən də beynəlxalq bir layihədir, çünki Xəzər sahilində müxtəlif ölkələrin ən istedadlı sənətçilərini toplayır.

Qeyd edək ki, "Jara-2019" musiqi festivalı 25-28 iyul tarixlərində keçiriləcək.

Festivalın təşkilatçıları Azərbaycanın xalq artisti Emin Ağalarov (EMİN), Rusiyanın əməkdar artisti Qriqori Leps, “Rusiya Radiosu”nun və “Qızıl Qramofon” mükafatının təsisçisi Sergey Kajevikovdur.  

Festivalın rəsmi informasiya tərəfdaşı Bakucity.az saytıdır.

Bakıda "Jara-2019" festivalının mətbuat konfransı keçirildi - FOTO, fotoşəkil-1 Bakıda "Jara-2019" festivalının mətbuat konfransı keçirildi - FOTO, fotoşəkil-2 Bakıda "Jara-2019" festivalının mətbuat konfransı keçirildi - FOTO, fotoşəkil-3 Bakıda "Jara-2019" festivalının mətbuat konfransı keçirildi - FOTO, fotoşəkil-4 Bakıda "Jara-2019" festivalının mətbuat konfransı keçirildi - FOTO, fotoşəkil-5 Bakıda "Jara-2019" festivalının mətbuat konfransı keçirildi - FOTO, fotoşəkil-6 Bakıda "Jara-2019" festivalının mətbuat konfransı keçirildi - FOTO, fotoşəkil-7 Bakıda "Jara-2019" festivalının mətbuat konfransı keçirildi - FOTO, fotoşəkil-8 Bakıda "Jara-2019" festivalının mətbuat konfransı keçirildi - FOTO, fotoşəkil-9 Bakıda "Jara-2019" festivalının mətbuat konfransı keçirildi - FOTO, fotoşəkil-10

Züleyxa İsmayılova

Foto: Ceyhun Rəhimzadə

Bakucity.az

Bakıda
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər