Albina Canabaeva: "Əli Şəmsinin emalatxanası heyrətamiz məkandır"

Albina Canabaeva: "Əli Şəmsinin emalatxanası heyrətamiz məkandır"

Məşhur rus müğənnisi Bakıda harada yaxşı dincələ biləcəyindən danışıb

Bakucity.az oxuculara Bakıda hər il keçirilən "Jara" musiqi festivalında ən yeni xəbərlərlə tanış etməyə davam edir. Daha əvvəl xəbər verdiyimiz kimi, “Sea Breeze” otelində qırmızı xalı boyunca ulduzların ənənəvi keçidi təşkil edilib, bu müddətdə isə media nümayəndələri populyar ifaçılar ilə həmsöhbət olublar.

Müğənni, aktrisa və teleaparıcı Albina Canabaevaya saytımızın bir neçə sualına cavab verib. Onun sözlərinə görə, proqramının sıxlığına görə Bakını gəzə bilmir. Lakin pataxtımız haqda müsbət təəssüratları var:

“Bu, Bakıya ilk səfərim deyil, amma buraya olan bütün səfərlərim işlə bağlıdır, buna görə də heç nəyə vaxt qalmır. Buna baxmayaraq, həmişə gəzməyə, bəzi yerli kafelərə getməyə vaxt tapmağa çalışıram, xüsusən də İçərişəhəri çox sevirəm”.

Müğənninin sözlərinə görə, keçən il Bakıda gəzmək onda inanılmaz duyğular yaradıb və bu, onun Azərbaycanın məşhur sənətçilərindən biri Əli Şəmsi ilə tanışlığı ilə nəticələnib.

“İçərişəhəri gəzərək məşhur sənətkarınız Əli Şəmsinin qeyri-adi emalatxanasına rast gəldim. Onun emalatxanasının sirli qapısı ilə maraqlandım. Məni ürəkdən salamladı və öz iş yerinə dəvət etdi, hətta fırça da verdi, başladığı şəkli bitirməyi təklif etdi (gülür). Cavab verdim ki, edə bilmərəm! Ancaq israr etdi və mən rəsm çəkməyə fokuslandım. Sadəcə fırça toxunuşları etdim, amma o, məni çox təriflədi (gülümsəyir). Əvvəlcə şəkli korlayacağımdan narahat idim, sonra bu barədə düşünmədim, sadəcə sakitcə rənglədim. Möhtəşəm yerdir!”

Alina Canabaevanın sözlərinə görə, o, Azərbaycan mətbəxinin yeməklərini dadmaqdan məmnundur:

“Bu gün naharda yalnız Azərbaycan mətbəxinin milli yeməklərini sifariş etdim. Çox dadlı "Saciçi" yedim".

Xatırladaq ki, festivalın təşkilatçıları müğənni və bəstəkar Emin Ağalarov (EMIN), Rusiyanın əməkdar artisti Qriqori Leps, “Rusiya radiosu”nun və “Qızıl Qrammofon” mükafatının təsisçisi Sergey Kojevnikovdur.

Festivalın rəsmi informasiya tərəfdaşı Bakucity.az saytıdır.

Züleyxa İsmayılova

Bakucity.az

Albina Canabayeva
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər