Kristina Orbakayte: "Bakıdakı insanları çox sevirəm!"

Kristina Orbakayte: "Bakıdakı insanları çox sevirəm!" , Oral Aliyev

Rusiyanın əməkdar artisti Bakını çox sevdiyini deyib

Bakucity.az xəbər verir ki, "Jara-2019" beynəlxalq musiqi festivalının açılışında Azərbaycan, Rusiya, Ukrayna, İtaliya, ABŞ, Qazaxıstan və digər ölkələrin şou-biznesinin görkəmli nümayəndələri iştirak edib. 

Bunlardan biri, Rusiyanın əməkdar artisti Kristina Orbakaite təəssüratlarını saytımızın oxucuları ilə bölüşüb:

“Bakıdakı insanları çox sevirəm! Ümumiyyətlə, Azərbaycanda və Bakıda olanlar ən yaxşısı insanlardı.

Ənənələr və müasir həyat əhəmiyyətlidi. Sizin ölkənizdə bunların hamısı var. İnsanlar doğuşda onlara verilən hər şeyi saxlayanda ruh və ürək sevinir”. 

Müğənninin qeyd edib ki, festivalda"İtirirəm" (Теряю) adlı yeni mahnısını təqdim edəcək:

"Bu yaxınlarda sözügedən mahnıya klip çəkilib. Ümumiyyətlə, hamımız “Jara”-ya tamaşaçıları yeni kompozisiyalarımızla tanış etmək üçün toplaşmışıq".

Sənətçinin sözlərinə görə, Emin Ağalarov ona hər hansı bir maraqlı layihə təklif edərsə, duet oxumağa hazırdır.

Kristina Orbakaite azərbaycanlı ifaçı Çingiz Mustafayevdən də danışıb:

“Bu il Azərbaycandan “Avroviziya”da gözəl bir ifaçı çıxış etdi - Çingiz Mustafayev. Çox yaxşı bir mahnı təqdim etdi – “Truth”. Bu mahnını dinlədikçə oxumaq və rəqs etmək istəyərsən (gülür)."

"Jara-2019" Beynəlxalq musiqi festivalı bu il 25-28 iyul tarixində “Sea Breeze Resort” ərazisində keçirilir.

Festival müğənni və bəstəkar Emin Ağalarov (EMIN), Rusiya Federasiyasının əməkdar artisti Qriqori Leps, “Rusiya Radiosu”nun və “Qızıl Qramofon” mükafatının təsisçisi Sergey Kojevnikov tərəfindən təşkil olunur.

Festivalın rəsmi informasiya tərəfdaşı Bakucity.az saytıdır.

Züleyxa İsmayılova

Bakucity.az

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər