"Jara-2020" yubiley festivalının tarixi məlum oldu

"Jara-2020" yubiley festivalının tarixi məlum oldu

Festivalın dördüncü mövsümü başa çatıb

Bakucity.az xəbər verir ki, Bakıda dördüncü dəfə keçirilən "Jara-2019" beynəlxalq musiqi festivalı dünən başa çatıb.

Festival paytaxt sakinləri və qonaqları üçün qırmızı xalıda ulduzların çıxışları və möhtəşəm konsertləri, film premyeraları, maraqlı duetlər, yeni və əfsanəvi mahnılarla yadda qaldı. Hər festival gününün özünəməxsus xüsusiyyəti var idi.  Qriqori Leps, Stas Mixaylov və “Lyube” qrupunun yaradıcılıq gecələri, 90-cı illərin hitlərinə və yeni nəsl sənətçilərinin ifalarına həsr olunmuş son konsert  proqramı və s. hər kəs tərəfindən maraqla qarşılanıb.

Düz bir il sonra festival yenidən beynəlxalq ulduzların parlaq çıxışları ilə pərəstişkarlarını sevindirəcək. Layihənin ”İnstagram” rəsmi səhifəsində "Jara-2020" yubiley festivalının tarixləri açıqlanıb:

“İnanılmaz dörd gün idi! Ancaq həyatımızdakı ən gözəl hər şey sona çatır və sizinlə vidalaşmırıq növbəti görüşün tarixini təyin edirik. Bunlar 30 iyul və 2 avqust 2020-ci il tarixləridir”, deyə səhifədə bildirilib.

Xatırladaq ki, bu il "Jara" beynəlxalq festivalı 25-28 iyul tarixində “Sea Breeze“ istirahət mərkəzində keçirildi.

Eyni səhnədə Azərbaycan, Rusiya, Ukrayna, Gürcüstan, Qazaxıstan, İtaliya, ABŞ və digər ölkələrin ən parlaq ulduzları çıxış etdilər.

Festivalın təşkilatçıları Azərbaycanın xalq artisti Emin Ağalarov (EMIN), Rusiyanın əməkdar artisti Qriqori Leps, “Rusiya radiosu”nun və “Qızıl qramofon” mükafatının təsisçisi Sergey Kojevnikovdur.

Layihənin rəsmi informasiya tərəfdaşı Bakucity.az saytıdır.

Züleyxa İsmayılova

Bakucity.az

jara 2019
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər