Bakıda bu restoranlarda təzə pivə bişirilir – QİYMƏT / ARAŞDIRMA

Bakıda bu restoranlarda təzə pivə bişirilir – QİYMƏT / ARAŞDIRMA

Paytaxtın bu iki restoranında təzə pivə içmək şansınız var

Restoranda pivə bişirilirsə, bu, həmin məkanda həmişə təzə pivə ala biləcəyinizin təminatıdır. Paytaxtdakı  bəzi restoranlarda müştərilərə təzə pivə təklif olunur. 

Bakucity.az paytaxtda fəaliyyət göstərən iki restoranda verilən təzə pivə barədə material hazırlayıb.

Zəngin menyu və təzə pivə 

Paytaxtda öz pivəsi ilə tanınan ən populyar restoranlardan biri “Beerbasha Restaurant”dır. Restotoranın əməkdaşı Rüfət Salmanovun dediyinə görə, onlarda bir neçə növdə pivə bişirilir:

“Bizdə üç növ pivə: şəffaf “Light”, qırmızı “Special Beer” və qara “Dark” verilir. Bizim pivənin  litri isə 8 manatdır. Pivələri bişirməsi zamanı Rusiya, Belarus və İrlandiyadan gətirilmiş yüksək keyfiyyətli arpadan istifadə edilir”.

Rüfət Salmanovun qeyd etdiyinə görə, müştərilər arasında ən populyar pivə “Special” və “Light”dir. Məkanda qəlyanaltı üçün isti yeməklərdən və dəniz məhsullarından ibarət kifayət qədər geniş seçim var:

“Çəçil pendir (saçaqlı pendir) və müxtəlif qəlyanaltılardan ibarət menyumuzun ən minimal qiyməti 4 manat təşkil edir. İsti yeməklərdən “Popkorn”, “Naços” və “Krevetka”nı 15 manata sifariş verə bilərsiniz. Qızardılmış “Kalmar” 18 manat, sobada bişirilmiş “Midiya” 16 manat, manqalda hazırlanmış “Karalevski krivetka” isə 38 manatdır. Həmçinin, 50 manata qədər olan qiymətlərlə müxtəlif bifteklərimiz və başqa məhsullarımız var”. 

“Poulner Baku” da öz pivəsi ilə kifayət qədər məşhurdur. Burada iki növ pivə hazırlanır: “Paulaner Hefe-Weißbier Naturtrüb” və “Paulaner Hefe-Weißbier Dunkel”  6,50 manata (500 ml) satılır. 2 nəfər üçün pivə-set sifariş etmək də mümkündür ki, bu da 17,30 manata başa gələcək. Restoran sadəcə yaxşı pivə və alman mətbəxindən doyumlu yeməkləri ilə deyil, həm də öz interyeri ilə qonaqları cəlb edir. Məkana gələn müşdərilər burada özünü Bavariya küçələrində hiss edir. 

Restoranda həmçinin salatlar, qəlyanaltılar, şorbalardan ibarət geniş menyu təklif olunur. Məkanın ən bahalı yeməyi 85 manatlıq qızardılmış xərçəngdir. Gürcü mətbəxindən qızardılmış xəngəl 11,50 AZN, hisə verilmiş pendir (saçaqlı pendir) 5,20 AZN,  qızardılmış pendir isə 6,40 AZN-dir. Bavariya kartof şorbası burada 4,60 AZN-dir. Ən bahalı və ləziz salat isə 17,90 manatlıq balıqlı (qızıl balıq) “Sezar” hesab olunur.

Alman mətbəxindən isti yeməklər menyusuna daxil olan 19 manatlıq qızardılmız Bavariya qril-kotleti, 16.70 AZN-lik Oktoberfest toyuğu, 44,90 AZN-lik qızardılmış ördək yarısı, 32.20 AZN-lik Münhen retsepti ilə qlzardılmış qaban ətindən yeməklər möhtəşəmdir.

Başqa ölkələrdə necə iş qurmaq olar?

Araşdırma zamanı məlum oldu ki, hazırda bir çox məkan pivə bişirilməsini ya dayandırıb xaricdən alınmış hazır pivənin satışı ilə məşğuldur.  

Almaniya, Çexiya və Belgiyada bu içki ölkənin vizit kartına çevrilib. Misal üçün, Almaniyanın Münhen şəhərində öz pivəsini bişirməklə məşğul olan dünya şöhrətli “Hofbräuhaus” restoranı var. Məkan öz pivə bağı ilə də məşhurdur. Bağa gələn qonaqlar özlərilə hətta yemək də gətirə bilər. Restoran XVI əsrdə yaradılıb.

Belçika da məşhur pivə restoranına malikdir. Misal üçün, “Westvleteren” restoranı RateBeer.com veb saytının hazırladığı dünyanın ən yaxşı pivəsi reytinqinə daxildir ki, bu isə restorana axın edən müştərilərin daha da çoxalmasına səbəb olub.

Praqada isə "Staropramen" pivə zavodu "Velvet" eksklüziv köpüklü pivə bişirən məkandır. Bu marka Çexiyanın ən yaxşı pivəsi sayılır. 

Qiymət Cədvəli

Beerbasha Restaurant

Pivənin litri

Menyu

8 AZN

4-50 AZN

Poulner Baku

6,50 AZN

4,60-85 AZN

Züleyxa İsmayılova

Bakucity.az

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər