Bakıda özünü zəhərləyib öldürmək istəyənlərin çoxu xanımdır - AÇIQLAMA

Bakıda özünü zəhərləyib öldürmək istəyənlərin çoxu xanımdır - AÇIQLAMA

Ölüm hadisəsi qeydə alınmayıb

Bakucity.az xəbər verir ki, bu ilin əvvəlindən bu günə kimi 18 nəfər intihara cəhd edib. Onların hamısı Kliniki Tibbi Mərkəzin Toksikologiya şöbəsinə müraciət edib. 

Bu barədə şöbənin baş həkimi Azər Maqsudov bunları deyib:

“Daha çox sirkə turşusu və dərman içərək intihara cəhd edən insanlar bizə müraciət edib. 18 nəfərdən 12-si sirkə turşusu içib, 6 nəfər isə dərman qəbul edib. Daha çox sakitləşdirici, yuxu, depressiyaya qarşı dərmanlardan istifadə olunub”. 

Azər Maqsudov müraciət edənlərin daha çox Bakıdan olduğunu bildirib:

“Rayonlardan çox az şəxs gətirilib. Müraciət edənlərin çoxu Bakıdandır. İntihara cəhd edən şəxslərdən 6-sının vəziyyəti kəskin, qalanlarının isə orta ağır olub. Amma hər hansı ölüm hadisəsi baş verməyib. Müraciət edənlər 25 və 40 yaş arası olan şəxslər olub. Xanımlar daha çox üstünlük təşkil edib”. (Oxu.az)

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər