Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR

Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR, Oral Aliyev

Yubiley ili başa çatır, muzey niyə təmir edilmir?

Bakucity.az xəbər verir ki, XX əsr Azərbaycan ədəbiyyatının görkəmli nümayəndəsi, böyük şair, yazıçı və dramaturq Cəfər Cabbarlının yubiley ilində  ev muzeyində təmir-bərpa işlərinə hələ də başlanılmayıb.  

Bu ilin mart ayında dahi drammaturq Cəfər Cabbarlının anadan olmasının 120 illiyi tamam oldu. Görkəmli ədibin yubileyi münasibətilə dövlət səviyyəsində bir çox layihələrin həyata keçirilməsi ilə yanaşı, ev muzeyində təmir-bərpa işləri də Mədəniyyət Nazirliyinin nəzarətində idi. Yübileyə bir müddət qalmış isə məlum oldu ki, muzey sökülərək yerində çoxmərtəbəli bina tikiləcək.

Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR, fotoşəkil-1 Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR, fotoşəkil-2 Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR, fotoşəkil-3 Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR, fotoşəkil-4

Saytımız bu məsələni qabartdıqdan sonra söküntü işi dayandırıldı. Hansı ki, artıq muzeyin ətrafı söküntü üçün hasarlanmışdı.

Məsələni diqqətdə saxlamaq üçün muzeyin vəziyyəti ilə yenidən maraqlandıq. Məlum oldu ki, yubiley ilinin sona çatmasına az bir vaxt qalsa da, muzeylə bağlı dəyişən bir şey yoxdur. 

Məsələ ilə bağlı Mədəniyyət Nazirliyinin İnformasiya və ictimaiyyətlə əlaqələr şöbəsi ilə əlaqə saxladıq. Nazirlikdən də bildirildi ki, muzeylə bağlı heç bir yenilik yoxdur, olanda mediyaya xəbər veriləcək.

Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR, fotoşəkil-5 Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR, fotoşəkil-6 Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR, fotoşəkil-7 Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR, fotoşəkil-8 Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR, fotoşəkil-9

Qeyd edək ki, Cəfər Cabbarlının Yasamal rayonu, İsmayıl bəy Qutqaşınlı 44 ünvanında yerləşən, vaxtı ilə yaşayıb-yaratdığı ev 1979-cu ildən ədibin ev muzeyi kimi fəaliyyət göstərir. 

Muzeydə 10 mindən çox eksponat – yazıçının həyat və yaradıcılığını əks etdirən sənədlər və fotoşəkillər, nadir əlyazmalar, yazıçının sağlığında istifadə etdiyi, özünə və ailəsinə aid şəxsi əşyalar, ayrı-ayrı dram əsərlərinə hazırlanmış səhnə maketləri, tamaşalardan afişa və proqramlar, maraqlı rəsm əsərləri, görkəmli şəxsiyyətlərin dramaturqa bağışladıqları hədiyyələr, C.Cabbarlı ədəbi irsini tədqiq edən maraqlı elmi əsərlər, mətbuat nümunələri qorunub.

Sonda qeyd edək ki, muzeyin lövhəsi sökülmə ərəfəsində götürülmüşdü və hələ də yerinə asılmayıb. 

Bakıda Cəfər Cabbarlının ev muzeyi hələ də baxımsız vəziyyətdədir - FOTOLAR, fotoşəkil-10

Xatırladaq ki, Prezident İlham Əliyev 2018-ci il dekabrın 17-də “Cəfər Cabbarlının 120 illiyinin qeyd edilməsi haqqında” sərəncam imzalayıb.

Sərəncamda qeyd olunur ki, Azərbaycan Respublikasının Mədəniyyət Nazirliyi Azərbaycan Respublikasının Təhsil Nazirliyi və Azərbaycan Milli Elmlər Akademiyası ilə birlikdə, Azərbaycan Yazıçılar Birliyinin təkliflərini nəzərə almaqla, böyük ədib və dramaturq Cəfər Cabbarlının 120 illiyinə həsr olunmuş tədbirlər planını hazırlayıb həyata keçirsin. Azərbaycan Respublikasının Nazirlər Kabineti bu Sərəncamdan irəli gələn məsələlərin həll etsin.

Ramilə Qardaşxanqızı

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər