Bakıda nazirliyin qarşısında bomba həyəcanı yaşanıb

Bakıda nazirliyin qarşısında bomba həyəcanı yaşanıb

Səbail rayonunda bir neçə qəribə hadisə baş verib

Bakucity.az xəbər verir ki, avqustun 5-i saat 22:40-da “102” telefon xidmətinə zəng edən kişi bəyan edib ki, Daxili İşlər Nazirliyinin binası qarşısına partlayıcı qurğu qoyulub. Lakin məlumat təsdiqini tapmayıb.

Əməliyyatçılar zəng edən kişinin şəxsiyyətini müəyyənləşdiriblər. Bu, Novxanı qəsəbəsində yaşayan 1974-cü il təvəllüdlü Qalib Qəribovdur. Onun ruhi-əqli problemi olduğu müəyyən edilib.

Polis kişini psixiatriya xəstəxanasına yerləşdirmək məqsədilə həkim briqadası çağırıb. Lakin Q.Qəribov bundan xəbər tutan kimi qaçıb.

Hazırda hüquq-mühafizə orqanlarının əməkdaşları “telefon terrorçusu”nu axtarırlar.

Qeyd edək ki, bu barədə Səbail Rayon Polis İdarəsindən məlumat verilib. (Oxu.az)

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər