Bakıda ilanların çoxalması ilə bağlı təhlükə varmı? - AÇIQLAMA

Bakıda ilanların çoxalması ilə bağlı təhlükə varmı? - AÇIQLAMA, Oral Aliyev

Mütəxəssis narahatçılığa əsas görmür

Bakucity.az xəbər verir ki, bu gün paytaxtda yerləşən “28 Mall” ticarət mərkəzinin avtodayanacağında su ilanı görünüb. Hadisənin görüntüləri sosial şəbəkələrdə yayılıb.

Zoologiya Muzeyinin müdiri, biologiya üzrə fəlsəfə doktoru Səbinə Bünyatova saytımıza açıqlamasında bildirib ki, Bakıda ilanların çoxalması ilə bağlı deyilənlər doğru deyil:

“Xəzər sahilli ərazilərdə və adalarda suilanları həmişə çox olur. Abşeron yarımadası, o cümlədən Bakı arid zona (su səthindən buxarlanma atmosfer çöküntüləri çox olan iqlim zonası) olduğundan isə burada ilanların yaşaması üçün çox əlverişli mühit var. Ümumiyyətlə, bu problem dünyanın hər yerində var. Quşların, heyvanların və həşaratların arasında onların elə növləri var ki, insan yaşayışı olan ərazilərə uyğunlaşıb yaşaya bilirlər. Onlar gizli həyat tərzi keçirərək, özlərini qoruya bilirlər. İlanlar da həmçinin. Suilanının şəhərin mərkəzində görünməsinin özü də qeyri-adi bir hadisə deyil. Yayılan görüntülərdən isə məlum olur ki, “28 Mall” ərazisi həmin ilan üçün heç də əlverişli deyil, sadəcə ola bilsin ki, dənizə gedən hər hansısa şəxsin maşınının bir hissəsində şəhərə gəlib və ticarət mərkəzinə daxil olub. Həmçinin, ehtimal oluna bilər ki, şəhərdə tikinti gedən hansısa bir ərazidə artan səs-küy faktoru ilanın yerini dəyişməsi ilə nəticələnib. Xəzərdə yaşayan suilanları adətən qidalarını dənizdə qəbul edirlər və Günəş şüası qəbul etmək üçün vaxtaşırı sahilə çıxırlar, sonra isə yenidən dənizə qayıdırlar”.

Səbinə Bünyatovanın sözlərinə görə, bütün hallarda suilanları insan üçün təhlükəli deyil. 

Ramilə Qardaşxanqızı

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər