Bakıda Hindistanın folklor rəqsləri gecəsi keçirilib - FOTO

 Bakıda Hindistanın folklor rəqsləri gecəsi keçirilib - FOTO, Oral Aliyev

“Bihu Hindistan folklor rəqs” qrupu hind rəqslərini təqdim edib

Bakucity.az xəbər verir ki, avqustun 16-da Beynəlxalq Muğam Mərkəzində Hindistanın müstəqillik günü münasibətilə bu ölkənin rəqslərindən ibarət musiqili gecə təşkil edilib.

Layihə Beynəlxalq Muğam Mərkəzi, Hindistanın Azərbaycandakı səfirliyi və Hindistan-Azərbaycan Assosiasiyası tərəfindən həyata keçirilib.

Tədbirdə bildirilib ki, Hindistanın hər bir ştatının müxtəlif mədəniyyəti var və təqdim olunan rəqslər bu ölkənin Assam vilayətinə məxsusdur. Həmin vilayətdə keçirilən “Bihu” festivalını kənd təsərrüfatında çalışan insanlar məhsul yığımından sonra milli yeməklərlə qeyd edirlər.

Sonra bədii hissə başlayıb. Zərb alətləri, şeypur və fleytanın müşayiəti ilə rəngarəng musiqi nömrələri ifa olunub.

Qeyd edək ki, Beynəlxalq Muğam Mərkəzi fəaliyyət istiqamətində konsert və elmi-tədqiqat müəssisəsi olaraq birbaşa muğam və xalq musiqisi nümunələrinin, folklor musiqisinin, dünya klassiklərinin və müasir bəstəkarların əsərləri ilə yanaşı, dünya xalqlarının milli rəqslərini də təbliğ edir. Beynəlxalq əməkdaşlıq çərçivəsində səfirliklərlə layihələr reallaşdırılır ki, keçirilən tədbirlərdə milli-etnik mədəniyyət nümunələri təbliğ edilir. Bu günə kimi BMM-in “Etnomusiqi inciləri” layihəsi çərçivəsində Yunanıstan, İtaliya, Avstriya, İsrail və bir sıra ölkələrin musiqiçiləri Azərbaycanın muğam ifaçıları ilə birlikdə konsert proqramları ilə çıxış ediblər. Eyni zamanda, BMM–in təşkilatçılığı ilə İsveçrə, Fransa, Polşa, Çin, Mərakeş, Hindistan, Rusiya və Gürcüstana Azərbaycan musiqiçilərinin səfərləri təşkil edilib.

Hindistan rəqs qrupunun Beynəlxalq Muğam Mərkəzinin səhnəsində çıxışı folklor nümunələrimizin qarşılıqlı tanıdılması məqsədi daşıyır. (AzərTac)

 Bakıda Hindistanın folklor rəqsləri gecəsi keçirilib - FOTO, fotoşəkil-1  Bakıda Hindistanın folklor rəqsləri gecəsi keçirilib - FOTO, fotoşəkil-2  Bakıda Hindistanın folklor rəqsləri gecəsi keçirilib - FOTO, fotoşəkil-3  Bakıda Hindistanın folklor rəqsləri gecəsi keçirilib - FOTO, fotoşəkil-4  Bakıda Hindistanın folklor rəqsləri gecəsi keçirilib - FOTO, fotoşəkil-5

Bakucity.az 

Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər