Bakıda böyük söküntü başlayıb - VİDEO

Bakıda böyük söküntü başlayıb - VİDEO, Seymur

Şəfaət Mehdiyev küçəsində yolun bir hissəsi genişləndirilir.

Bakı şəhəri, Yasamal rayonu Şəfaət Mehdiyev küçəsinin 1 kilometrə yaxın hissəsinin genişləndirilir. Bununla əlaqədar 53 yaşayış və qeyri-yaşayış obyektinin söküləcək. 

Bakucity.az xəbər verir ki, artıq ərazidə söküntü işləri başlayıb və yolun bir hissəsi genişləndirilib.

Azərbaycan Avtomobil Yolları Dövlət Agentliyi tərəfindən genişləndirilən yolun bir hissəsinə artıq yeni asfalt örtüyü də vurulub.

Agentliyin mətbuat katibi Anar Nəcəfli bildirib ki, vaxtilə həmin hissədə evlər və obyektlər tikildiyindən yol həddindən artıq daralıb.

Şəfaət Mehdiyev küçəsinin Əbdürrəhim bəy Haqverdiyev və Landau küçələri arasında olan 1 kilomtrə yaxın hissəsinin eni genişləndirilərək 18 metrə çatdırılacaq. 

Tikilən yol 4 hərəkət zolağından ibarət olacaq. Üçqat asfalt örtüyü vurulacaq yolda artıq asfaltlama işlərinə başlanılıb. 

Burada həmçinin vətəndaşların rahat hərəkəti üçün piyada səkiləri yaradılacaq və işıqlandırma sistemi qurulacaq. Yol istifadəyə verildikdən sonra Tbilisi prospekti ilə Hüseyn Cavid prospektinə birbaşa maneəsiz çıxış əldə olunacaq. 

Bu da günün pik saatlarında metronun “Elmər Akademiyası” stansiyası yaxınlığında yaranan tıxacın azalmasına gətirib çıxaracaq.

Yolun bu ayın sonuna qədər tam şəkildə istifadəyə verilməsi planlaşdırılır.

Bakucity.az

Bakı ev söküləcək
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər