Bakıda “Neftçi”nin oyununda kütləvi dava düşdü - VİDEO

Bakıda “Neftçi”nin oyununda kütləvi dava düşdü - VİDEO, Seymur

Meydan sahibləri son dəqiqədə qələbə qolunu vurublar.

Futbol üzrə Azərbaycan Premyer Liqasının 3-cü turu çərçivəsində keçirilən “Neftçi” – “Sumqayıt” qarşılaşması dava ilə bitib. 

Bakucity.az xəbər verir ki, “Bakcell Arena”da keçirilən oyun meydan sahiblərinin 2:1 hesablı qələbəsi ilə yekunlaşıb.

Qarşılaşmanın sonunda Bakı klubunun müdafiəçisi Anton Krivoçukla “Sumqayıt”ın futbolçusu Vurğun Hüseynov arasında mübahisə yaşanıb.

Hadisə “Neftçi”nin son dəqiqələrdə vurduğu qələbə qolundan sonra baş verib. Vurğun Hüseynov flaqmanın futbolçusu Anton Krivoçukun bu qolu qeyd edərkən təxribata yol verdiyini hesab edərək ona hücum çəkib.

Bundan sonra meydanda digər futbolçular, o cümlədən, məşqçi heyətinin üzvləri arasında qarşıdurma başlayıb.

Sonda hər iki futbolçu qırmızı vərəqə ilə cəzalandırılıb.

Qeyd edək ki, “Neftçi” qarşılaşmada geridönüşlə qələbə qazanıb. Oyunda hesabı 33-cü dəqiqədə “Sumqayıt” açıb. Mehdi Şərifi penalti zərbəsini dəqiq yerinə yetirib.

Matçın 64-cü dəqiqəsində Emin Mahmudov hesabı bərabərləşdirib. Meydan sahiblərinin qələbə qolunu isə əsas vaxta əlavə olunmuş 3-cü dəqiqədə Stiven Monroz vurub.

Yeni mövsümdə ilk qələbəsindən sonra “Neftçi” turnir cədvəlində 5-ci pilləyə yüksəlib. Flaqmanın hesabında 4 xal var. “Sumqayıt” isə 3 xalla 6-cı pillədə qərarlaşıb.

Bakucity.az

Bakı futbol dava
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər