Bakıda suyun altında qalan avtomobilin pulunu kim verəcək? - VİDEO

Bakıda suyun altında qalan avtomobilin pulunu kim verəcək? - VİDEO

Sentyabrın 4-də paytaxtın Sabunçu rayonunda tuneli su basandan sonrakı müəmma hələ də davam edir.

Bakucity.az xəbər verir ki, tuneldə “Mercedes” markalı maşını qalan Elcan Hacıyev məhkəməyə müracitə edəcəyini bildirib.

Onun sözlərinə görə, tuneldən su dünən saat 18-dən sonra təmizlənib: 

“Maşını “Niva” ilə çəkib çıxartdım. Avtomobilimə ciddi ziyan dəyib, demək olar ki, bütün hissələri dəyişdirilməlidir”.

E.Hacıyev bildirib ki, heç kim ona kompensasiya ödəmir. 

“FHN-dən dedilər ki, pulumu “Azərsu”dan alım. Deyilənə görə, Neftayırma zavodunun tullantılarını daşıyan boru partlayıb və tuneli su basıb. Buna görə də məhkəməyə müraciət edəcəm”, - deyə o qeyd edib.

“Azərsu” ASC-nin sözçüsü Anar Cəbrayıllı ittihamları cavablandırarkən bildirib ki, həmin tuneldə və yaxın ərazidə quruma aid hər hansı qurğu yoxdur: 

“Tuneli su basmasının bizə heç bir aidiyyatı yoxdur”.

FHN sözçüsü Gülçin Mehdiyeva da ittihamları qəbul etməyib. G.Mehdiyeva qeyd edib ki, onun təmsil etdiyi dövlət qurumunun orada araşdırma aparmaq səlahiyyəti olmadığı üçün səbəbi dəqiq bilmirlər: 

“Amma tuneli su basması yağış suyu nəticəsində olmayıb”.

Öz növbəsində SOCAR-in mətbuat katibi İbrahim Əhmədov da ittihamları rədd edərək son günlər Neftayırma zavonun borularında hər hansı qəza baş vermədiyini vurğulayıb: 

“Ümumiyyətlə, o ərazidən bizim heç bir borumuz keçmir”. (Qafqazinfo.az)

Bakucity.az

Bakı avtomobil tunel
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər