Rusiya kinosunun ulduzu “Jara” filminin sauntrekini təqdim etdi - VİDEO

Rusiya kinosunun ulduzu “Jara” filminin sauntrekini təqdim etdi - VİDEO, Seymur

Bədii filmin sauntreki olan “Atmosfer” kompozisiyası təqdim olunub.

Sentyabrın 5-də Bakıda “Jara” filminin təqdimatı keçiriləcək.

Bakucity.az xəbər verir ki, bununla əlaqədar filmdə baş rolda çəkilən rusiyalı aktrisa Diana Pojarskayanın ifasında ekran əsərinin sauntreki təqdim edilib.

Video Azərbaycan Xalq artisti Emin Ağalarovun “YouTube” səhifəsində yerləşdirilib.

“Jara” filminin çəkilişləri 2018-ci ildə Bakıda keçirilən eynadlı beynəlxalq musiqi festivalı çərçivəsində aparılıb. 

“Team Films” şirkəti tərəfindən çəkilən filmdə Rusiya şou-biznesinin tanınmış simaları – Filipp Kirkorov, Nikolay Baskov, Qriqori Leps, Ani Lorak, EMIN, Valeriya, İosif Priqojin, Timati, Yeqor Krid və digərləri yer alıblar.

Rusiya kinosunun ulduzu “Jara” filminin sauntrekini təqdim etdi - VİDEO, fotoşəkil-1

Emin Ağalarov, Teymur Cəfərov və Fuad İbrahimbəyovdan əlavə kreativ komandaya rejissor Dunya Lisova, quruluşçu rəssam Maksim Alipçenko və quruluşçu operator Vasili Rıjov da daxil olub. Komediyada baş rolu “Hotel Eleon” filmi və Emin Ağalarovun “Neveroyatnaya” və “Wicked Game “ kliplərindəki rolları ilə tanınan Diana Pojarsjkaya oynayıb. Onunla birlikdə aktyor heyətində Sergey Çirkov və Nail Abdrahmanov, həmçinin blogger Anton Lapenko da yer alıb.

Rusiya kinosunun ulduzu “Jara” filminin sauntrekini təqdim etdi - VİDEO, fotoşəkil-2

“Jara” prokata sentyabrın 5-də çıxacaq. Bundan əlavə sentyabrın 5-də Bakıda Heydər Əliyev sarayında, sentyabrın 15-də isə Frankfurtda (Almaniya) “SineStar Metropolis Frankfurt am Main” kinoteatrında filmin premyeraları keçiriləcək.

Bakucity.az

Bakı film sauntrek
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər