Bakıda iş adamlarına müraciət - Yaşıl guşələrin yaradılmasına start verildi

Bakıda iş adamlarına müraciət - Yaşıl guşələrin yaradılmasına start verildi, Seymur

Bakı Şəhər İcra Hakimiyyəti (BŞİH) paytaxt sakinlərinə müraciət edib.

Bakucity.az-ın xəbərinə görə, müraciətdə deyilir:

“Sürətlə inkişaf edərək dünyanın ən müasir şəhərlərindən birinə çevrilən Bakı şəhərinin daha da gözəlləşməsi məqsədilə paytaxtda yeni yaşıl guşələrin yaradılması və onların qorunması işlərinə start verilib.

Bununla əlaqədar Bakı şəhərində fəaliyyət göstərən sahibkarlara və iş adamlarına öz obyektlərinin qarşısında yaşıl guşələrin yaradılması ilə bağlı müraciət edirik. Paytaxtın yaşıllıq səviyyəsinin keyfiyyətcə daha yüksək səviyyəyə çatdırılması məqsədilə həyata keçirilən bu tədbirlər şəhərimizin daha da gözəlləşməsinə xidmət edəcək.

Yaşıllaşdırma sahəsində uğurlar əldə etmiş bir çox şəhərlərin təcrübəsində sahibkarlar tərəfindən obyektlərinin qarşısında yaşıl guşələrin yaradılması və saxlanılması praktikası mövcuddur.

Bakı Şəhər Yaşıllaşdırma Departamenti hamını bu nəcib işlərdə fəal olmağa çağırır”.

Bakucity.az

Bakı,ağac
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər