Rusiyalı aktyorlar “Jara” ilə bağlı fikirlərini bölüşdülər - FOTO

Rusiyalı aktyorlar “Jara” ilə bağlı fikirlərini bölüşdülər - FOTO, Seymur

Aktyorlar layihədə gördükləri işin təəssüratlarından danışdılar.

Bakucity.azoxucularını ötən gün Heydər Əliyev Mərkəzində “Jara” komediyasının qapalı premyerası ilə tanış etməkdə davam edir.

Tədbirdə filmin baş qəhrəmanlarından Nail Abdrəhmanov və Maqomed Murtazaliyev, eləcə də azərbaycanlı aktrisa Günəş Mehdizadə iştirak ediblər. Onlar jurnalistlərə müsahibələrində görülən işlərin ən maraqlı məqamlarından danışıblar.

“Bakıdakı çəkilişlərdən yalnız ən yaxşı təəssüratlar qalıb! Şəhərin, çəkilişlərin atmosferi o qədər güclü idi ki, sonrakı bir neçə ay ərzində “qidalandırırdı”. Tatar olmağıma baxmayaraq, mənim üçün azərbaycanlı obrazını canlandırmaq bir qədər çətin idi. Əsas müsbət cəhət elə bu idi, çünki bu obrazla müxtəlif istiqamətdə inkişaf etmək olar”, - Nail Abdrəhmanov deyir.

Aktyor filmdə gəlini Dənizin rolunu oynayan aktrisa Günəş Mehdizadəyə ona Bakını, İçərişəhəri göstərdiyi, Azərbaycan mədəniyyəti ilə tanış etdiyi üçün çox minnətdar olduğunu bildirib:

“Bu mənə lazımı atmosferə düşməyə kömək etdi, bundan sonra filmə çəkilmək asan idi”.

Nail Abdrəhmanov qeyd edib ki, Azərbaycan mətbəxi xüsusidir.

“Lülə kabab burada ayrıdır. Etiraf edim ki, Bakıdakı qonaqlıqlardan sonra mən Moskvada kaba yeyə bilməyəcəm, bizdə belə dadlı olmur, elə təəssürat yaranır kı, saxtadır (gülür).

Bildiyiniz kimi, çəkilişlər “Jara” festivalı çərçivəsində aparılırdı, bu da bütün prosesə öz atmosferini verirdi. Buna görə də Bakıya ilk səfərim xoş emosiyalarla yadda qalıb”.

Aktyor etiraf edib ki, azərbaycanlı rolunu canlandırmağı bacardığına əmin deyil.

“Bu gün azərbaycanlı tamaşaçılar ilk dəfə bu filmə baxacaqlar, və rolu necə oynadığımı qiymətləndirəcəklər. Lakin, Moskvada “Jara”nın premyerasından sonra bəzi azərbaycanlılar mənə yaxınlaşaraq bakılılar arasında belə obrazların olduğunu bildiriblər. Ümumiyyətlə, mənim qəhrəmanımın sözlərinə bakı aksentini əlavə etməmək qərarına gəldik ki, çox karikatur görsənməsin. Bu yalnız bir neçə epizodda var, çox az yerdə. Bakıda mən aksentsiz danışan çox azərbaycanlı gördüm, bu məni sakitləşdirirdi”.

Öz növbəsində aktrisa Günəş Mehdizadə hesab edir ki, rusiyalı aktyor əsl bakılı obrazını canlandırmağı bacarıb.

“Mənim bu layihədə iştirakımla bağlı yalnız ən xoş təəssüratlar qalıb. Doğma şəhərimdə belə işlərin aparılması çox yaxşıdır. Rejissor və aktyorlarla işləmək xoş idi. Onların hamısı çox şən və pozitiv insanlardır! Çəkiliş meydançasında atmosfer möhtəşəm idi!”.

Rusiyalı aktyorlar “Jara” ilə bağlı fikirlərini bölüşdülər - FOTO, fotoşəkil-1

G.Mehdizadə bundan əvvəl rusiyalı aktyor və rejissor Yeqor Konçalovski ilə “Bakı mən səni sevirəm” filmində işləmişdi.

“Jara” kimi layihədə işləmək tanınmış rusiyalı aktyorla tanış olmağa imkan yaratdı. Naillə münasibətlərimiz qalıb, arada yazışırıq. Əminəm ki, Rusiyaya gedəndə, o, məni öz şəhəri ilə tanış edəcək. Ümumilikdə hər belə iş böyük təcrübə verir”, - aktrisa yekunlaşdırıb.

Aktyor Maqomed Murtazaaliyev isə bildirib ki, bu, onun çəkildiyi ikinci filmdir:

“İlk dəfə mən “Bəy” filmində özümü (Maqa) oynamışam. “Jara” layihəsində mənim personajım Ramin Bakı şəhərində bələdçi və baş qəhrəman Muradın dostudur.

Süjetə əsasən, Ramin işlərinin alınmadığı Moskvadan yeni qayıdıb. Bütövlükdə, bu obrazda da mən biraz özümü oynamışam, lakin başqa adla”.

Rusiyalı aktyorlar “Jara” ilə bağlı fikirlərini bölüşdülər - FOTO, fotoşəkil-2

Artist həmçinin qeyd edib ki, layihə çərçivəsində onun Abdrəhmanovla çoxlu maraqlı yeni ideyaları yaranıb.

“Bizim “Jara” musiqi festivalı ilə bağlı ideyalarımız yarandı. Hazırda “Jara” filminin qapalı nümayişləri keçirilir: Moskvadan sonra Dağıstanda olduq, Bakıdan isə Almaniyaya gedəcəyik. Bütün bunlar qurtaranda, biz Emin Ağalarovla yeni layihələrimizi müzakirə edəcəyik”.

Rəsmi informasiya dəstəyi – Bakucity.az

Bakucity.az

Bakı film festival
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər