Bakının “ən xəstə” rayonları açıqlandı - SİYAHI

Bakının “ən xəstə” rayonları açıqlandı - SİYAHI, Seymur

2017-ci ildə Bakıda ən çox xəstəlik paytaxtın Xətai rayonunun əhalisində müşahidə edilib.

Bakucity.azxəbər verir ki, bu rayonda müvafiq dövrdə 68 min 371 xəstəlik qeydə alınıb.

İkinci yerdə Binəqədi rayonu qərarlaşıb – 67 min 816 xəstəlik. Yasamalda bu rəqəm 56 min 588, Sabunçuda 49 min 634, Nəsimidə isə 47 min 080-ə bərabərdir.

Bakıda əhalisi daha sağlam olan rayon isə Pirallahıdır. Bu rayonda 2017-ci ildə 4056 xəstəlik halı müşahidə edilib.

Bəzi infeksion və parazitar xəstəliklər kateqoriyasında isə Nəsimi – 2680, tənəffüs orqanlarının xəstəliklərinə görə isə Binəqədi “liderdir” - 31617 şəxs.

Ağciyər vərəminə yoluxma halı daha çox Sabunçuda olub. 2017-ci ildə Sabunçuda 96 nəfərə ağciyər vərəmi diaqnozu qoyulub.

2017-ci ildə Xətaidə 74, Yasamalda 69, Xəzərdə 51, Qaradağda 50, Pirallahıda isə cəmi 3 nəfərə vərəm diaqnozu qoyulub. 

Bununla da Pirallahı ən az vərəmlə xəstələnən rayonlar siyahısına düşüb. Bu rayonda həmçinin sifilis, kəskin xroniki süzənək, viruslu hepatit və qoturluq qeydə alınmayıb.

Ən çox sifilis xəstəliyi isə Nəsimidə qeydə alınıb (60 nəfərdə). Sabunçuda isə bu rəqəm 52 olub.

Bakıda insanlar qoturluq isə ən çox Binəqədidə yayılıb. 2017-ci ildə Binəqədidə 11 nəfərdə qoturluq aşkarlanıb.

Xəzərdə dörd, Sabunçuda isə iki nəfərdə qoturluq qeydə alınıb. Bakının Qaradağ, Nizami, Suraxanı, Yasamal rayonlarında isə qoturluq müşahidə edilməyib.

Bakucity.az

Bakı xəstə rayonlar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər