Fidan Hacıyevaya Bakıda vəzifə verildi

Fidan Hacıyevaya Bakıda vəzifə verildi, Seymur

Tanınmış opera ifaçısı səhnəyə ilk dəfə 19 yaşında gəlib.

Xalq artisti Fidan Hacı Ağa qızı Hacıyeva  Əhməd Bakıxanov adına 6 nömrəli uşaq musiqi məktəbinin direktoru vəzifəsinə təyin edilib.

Bakucity.az-ın xəbərinə görə, bu barədə Bakı Şəhər Mədəniyyət Baş İdarəsi məlumat yayıb.

Qeyd edək ki, Fidan Hacıyeva professor Hüseyn Əliyevin tələbəsi olub. 

Peşəkar opera səhnəsinə ilk dəfə 1996-cı ildə, 19 yaşında, “Koroğlu operası”nda “Xanəndə qız” obrazı ilə gəlib.

2002-ci ildə İtaliyanın Kidjiano Akademiyasında keçirilən Beynəlxalq müsabiqəsində  qalib olub. 2006-cı ildə “Azərbaycan Respublikasının Əməkdar Artisti” adına layiq görülüb və 2006, 2007, 2008-ci illərdə  Azərbaycan Respublikası Prezidentinin Fəxri mükafatı ilə təltif olunub. 

F.Hacıyeva 2010-cu ildə İtaliyada, Roma Musiqi Akademiyasının “Peşəkar vokal ifaçılarının müsabiqəsi2nin qalibi olub.  2015-ci ildə  Azərbaycan Respublikasında mədəniyyət sahəsində səmərəli fəaliyyətinə görə 8 Mart Beynəlxalq Qadınlar Günü münasibəti ilə “Xalq artisti” adına layiq görülüb. 2016-cı ildə öz adını daşıyan Musiqi Mərkəzini yaradıb.

Fidan Hacıyeva Milli səhnəmizdə klassik dünya operalarında lirik-qəhrəman partiyalarını oxuyan ilk “Karmen” ifaçısı  Fatma Muxtarovadan sonra ikinci Azərbaycan opera səhnəsinin "Karmen"i adlandırılır.

Bakucity.az

Fidan Hacıyeva Bakı opera vəzifə
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər