ADU-nun yeganə Prezident təqaüdçüsü: Sizdən öyrəndim - FOTO

ADU-nun yeganə Prezident təqaüdçüsü: Sizdən öyrəndim - FOTO, Seymur

Ümumilikdə 102 tələbə təqaüd alacaq

Azərbaycan Respublikası Prezidenti İlham Əliyevin imzaladığı sərəncama əsasən, 2019/2020-ci tədris ilində ali məktəblərə daxil olmuş 102 tələbəyə Prezident təqaüdü veriləcək.

Onlardan 25 nəfər Azərbaycan Tibb Universitetinə, 23 nəfər Bakı Ali Neft Məktəbinə, 21 nəfər Azərbaycan Dövlət İqtisad Universitetinə, 15 nəfər Bakı Dövlət Universitetinə, 7 nəfər ADA Universitetinə, 7 nəfər Dövlət İdarəçilik Akademiyasına, 1 nəfər Azərbaycan Dillər Universitetinə, 1 nəfər UFAZ-a, 2 nəfər isə xüsusi təyinatlı ali təhsil müəssisəsinə qəbul olunub. 

Bakucity.az Prezident təqaüdçüsü, 672 balla Azərbaycan Dillər Universitetinin kareya dili üzrə tərcüməçilik fakültəsinə daxil olmuş Ağazadə Ləman Elnur qızı ilə söhbətləşib.

Ləman Bakıda 318 saylı tam orta məktəbi bitirib. Bu il ADU-dan Prezident təqaüdünə layiq görülmüş yeganə tələbədir. Ondan ilk olaraq universitet seçimi barədə soruşduq. Dediyinə görə, bu təhsil ocağını daha çox xaricə çıxış imkanı qazanmaq üçün seçib:

“Xarici dillərə xüsusi marağım var, qəbulda ingilis dilindən 100 bal toplamışdım. Həm də gələcəkdə təhsilimi xaricdə davam etdirmək istəyirəm. Məhz buna görə də Dillər Universitetini seçdim”.

Ləman deyir ki, 2019/2020 tədris ilində ADU-dan Prezident təqaüdünə layiq görülən yeganə tələbə olduğumu bilmirdi:

“Düzünü desəm gözləmirdim, çünki həmişə 700 bal toplayanlar Prezident təqüdünə layiq görülüb. Bu nəticəni göstərə bilməmişdim deyə mənim üçün sürpriz oldu. Amma təqaüdə düşməyi həmişə arzulamışam. ADU-da bu il Prezident təqaüdünə layiq görülən yeganə tələbə olduğumu isə sizdən öyrənmiş oldum”. 

Ləmanın sözlərinə görə, məktəbdə də, hazırlıqda da çalışqan olub və hər sınaqdan 600-dən yuxarı bal toplayıb. O, abituriyentlərə yüksək nəticə əldə etməyin sirrini də açıb:

“Burada xüsusi və ya qeyri adi heç nə yoxdur. Hər işdə olduğu kimi elmdə də çalışqan olan hər kəs uğur qazana bilər. Yüksək nəticə əldə etmək istəyən abituriyentlər gərək çox çalışsınlar. Çox oxumaqla yanaşı, həm də məqsədli olmaq lazımdır. Həm də iki il repetitor yanına hazırlığa getmişəm, bu da mənə xüsusi kömək oldu”.

ADU-nun yeganə Prezident təqaüdçüsü: Sizdən öyrəndim - FOTO, fotoşəkil-1 ADU-nun yeganə Prezident təqaüdçüsü: Sizdən öyrəndim - FOTO, fotoşəkil-2 ADU-nun yeganə Prezident təqaüdçüsü: Sizdən öyrəndim - FOTO, fotoşəkil-3 ADU-nun yeganə Prezident təqaüdçüsü: Sizdən öyrəndim - FOTO, fotoşəkil-4

Ramilə QARDAŞXANQIZI

Bakucity.az

Bakı prezident təqaüd
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər