Bakıda “Kiyev-Peçora böyük monastırı. Tarix və müasirlik” adlı fotosərgi - FOTO

Bakıda “Kiyev-Peçora böyük monastırı. Tarix və müasirlik” adlı fotosərgi - FOTO

Tədbir Bakı Fotoqrafiya Evində keçirilib

Sentyabrın 13-də Kiyev-Peçora Milli Tarix-Mədəniyyət Qoruğunun “Kiyev-Peçora böyük monastrı. Tarix və müasirlik” adlı səyyar bədii foto sərgisi Ukraynanın Azərbaycandakı Səfirliyinin və Sumqayıtdakı İ.Franko adına Ukrayna ictimai təşkilatının dəstəyi ilə ilk dəfə “İçərişəhər” Muzey Mərkəzinin Fotoqrafiya Evində keçirilib.

Bakucity.az xəbər verir ki, açılış mərasimində çıxıç edən “İçərişəhər” Muzey Mərkəzinin direktoru Əminə Məlikova Bakıda beynəlxalq səviyyədə foto sərgilərinin keçirilməsinə imkan verən Fotoqrafiya Evinin açılmasının vacibliyini qeyd edib.

Sonra Ə. Məlikova təqdim olunan ekspozisiyanın dəyərindən danışıb, sərginin sentyabrın 26-dək Bakıda, daha sonra Sumqayıtda davam edəcəyini nəzərə çatdırıb.

Saytımıza verdiyi müsahibədə Kiyev-Peçora Milli Tarix-Mədəniyyət Qoruğunun tarix və arxeologiya tədqiqat şöbəsinin müdiri Konstantin Krayni foto sərginin məqsədini açıqlayıb:

“Sərginin məqsədi foto sənətinin köməyi ilə qoruğumuzun gözəlliyini göstərməkdir. Bir neçə tematik sərgi hazırlamışıq, Bakıya gətirdiyimizisə ən yaxşılarından biridır. Bu, indiki Kiyev-Peçora monastrı ilə XIX-XX əsrin ortalarında mövcud olan monastrın müqayisəni nümayiş etdirir”, - deyə o, bildirib.

Alimin sözlərinə görə, 2016-cı ildə yaradılan bu ekspozisiya bir müddət həm Ukraynanın özündə, həm də xaricdə nümayiş olunub. Həmçinin, Britaniya səfirliyində də təmsil olunub:

“Sonra bizə Bakıda və Sumqayıtda sərgi keçirmək təklifi gəldi. Belə oldu ki, bu il Bakıda Fotoqrafiya Evi açıldı və biz Peçersk monastrı fotosənətinin ildönümünü burada qeyd etmək qərarına gəldik. İlk fotosessiyamız 145 il əvvəl yaradılıb.

Əlbətdə ki, belə bir sərgi MDB ölkələrində insanlar üçün daha yaxın və daha başa düşüləndir. Bir çox Bakı sakini Kiyevə gələrək monastrlarımızı görüb. Həmin insanlar və tariximizi tanıyan hər kəsəbu ekspozisiya tanışdır", - deyə K.Krayni fikrini tamamlayıb.

Qeyd edək ki, 1990-cı ildə YUNESKO-nun ümumdünya mədəni və təbii irsin qorunması üzrə dövlətlərarası komitənin 14-cü süssiyasında “Kiyev-Peçora” monastrı memarlıq kompleksinin müstəsna əhəmiyyəti nəzərə alınaraq, abidələrin Ümumdünya Mədəni İrs siyahısına daxil edilib.

“Kiyev-Peçora” monastrının tarixi onlarla yüzillikləri əhatə edir. İlk dəfə onun adı 1051-ci ilin salnaməsində çəkilir. Kiyev təpələri altındakı mağaralarda monastrın əsasını qoymuş sakinlər təkcə mənəvi fədakarlıqları ilə məşhurlaşmayıb, həm də müasir Ukrayna sivilizasiyasının inkişafında tutarlı rol oynayıblar.

Züleyxa İsmayılova

Foto: Nicat Əlili

Bakucity.az

sərgi
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər