Bakıda “Most Fashionable Awards 2019”-un yarımfinalı keçiriləcək

Bakıda “Most Fashionable Awards 2019”-un yarımfinalı keçiriləcək

İncəsənət, şou-biznes, dəb aləmi və iş sferasının ən yaxşıları seçiləcək

“Word Beauty Congress” (Dünya Gözəllik Konqresi) unikal ümumdünya mükafatı "Most Fashionable Awards 2019"-u təqdim edir.

Bununla bağlı Bakucity.az-a təşkilat komitəsinin sədri Zamir Hüseynov məlumat verib.

Onun sözlərinə görə, mükafatın Azərbaycan üzrə “Top 5”liyin seçimi noyabrın axırı Bakıda keçiriləcək:

“Mükafatın məqsədi bütün dünyada öz sahəsi üzrə professional olan ən uğurlu və məşhur insanları təyin etməkdir. Mükafatlandırma Rumıniyanın Avropa Parlamenti tərəfindən, "Avropanın mədəniyyət paytaxtı" seçilən Timişoara şəhərində keçiriləcək.

"Most Fashionable" mükafatlandırma tədbirinin məqsədi təkcə ən yaxşıları təyin etməklə yekunlaşmır, eyni zamanda müxtəlif sahələrin insanlarını eyni atmotsferdə birləşdirib, unikal təcrübə və bilikləri paylaşma, özünü və işini yeni çərçivələrlə dolğunlaşdırma imkanı yaradır. Mükafatlandırma ərəfəsində xüsusi gecə və ziyafət təşkil olunacaq.

Bu ziyafətdə bütün kontinentlərdən öz işinin ən yaxşıları bir-biri ilə münasibət qurub, təcrübə və bilikləri ilə bölüşüb eləcə də dostluq və partnyorluq üçün unikal imkanlar əldə edəcəklər.

Z. Hüzeynov prosesində jurilərin və idarə heyətinin səs vermə hüququna malik olacağını deyib. Ən yaxşıları bir çox nominantlar üzrə bütün ölkələrdə təyin etmək üçün şəffaf səsvermə keçiriləcəkdir:

“Mükafatlandırma ideyasını və inisiativini Avropanın və Amerikanın öndə gedən biznesmenləri, media nümayəndələri, Hollivud ulduzları, əsasən də Maykl Nobel özü dəstəkləyir. Səsvermə zamanı nominantların “instagram” və “facebook” sosial profillərindən istifadə olunacaq.

“Top 5” seçimləri bu şəkildə baş tutacaqdır:

- Juri üzvlərinin üç fəxri nümayəndəsi hərəsi bir nominant olmaqla üç nominant seçəcək;

- Dördüncü finalçı idarə heyyətinin səs verməsi ilə seçiləcək;

- Beşinci finalçı isə sosial səsvermə nəticəsində ən çox səs toplamış iştirakçı kimi qeydə alınacaq və beşliyə daxil olacaq.

Bütün bu seçimlərdən sonra Top-5 iştirakçılarının şəkilləri yenidən sosial şəbəkədə səs verməyə çıxarılacaq və ən çox səs toplamış şəxs "Most Fashionable Awards" mükafatına layiq görüləcək” deyə, Zamir Hüseynov bildirib.

Qeyd edək ki, yaxşılardan ən yaxşıları bütün iştirakçı ölkələr üzrə Rumıniyada yığışacaqlar və möhtəşəm "Opera Timişoara" səhnəsində "Most Fashionable Awards" mükafatını alacaqlar. Mərasimin proqramı üç gün davam edək. İştirakçılar 88 naminasiya üzrə mübarizə aparacaq.

"Most Fashionable Awards 2019"-un Azərbaycan üzrə təşkilatçısı Aqil Qasımov, təşkilat heyətinin üzvləri rejissor Elnaz Əbluc, xoreograf Yuliana Hüseynova, jurnalist Vadim İseyev aktrisa və model Günel Mamedzadə, aktrisa və model Rəna Əliyeva, aktrisalar Aysel Nazim və Nəzakət Məmmədovadır.

Tədbirin informasiya tərəfdaşı Bakucity.az saytıdır. 

Ramilə Qardaşxanqızı

Bakucity.az

Mükafat
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər