Bakıya gətirilən yeni avtobuslar bu istiqamətlərə veriləcək - SİYAHI

 Bakıya gətirilən yeni avtobuslar bu istiqamətlərə veriləcək - SİYAHI, Seymur

Bakıda daha iki Nəqliyyat Mübadilə Mərkəzi yaradılacaq

Bakıya gətirilən yeni avtobusların bir qismi Bakıətrafı kənd və qəsəbələr istiqamətində istifadəyə veriləcək.

Bunu Bakcuity.az-a açıqlamasında Bakı Nəqliyyat Agentliyinin (BNA) Mətbuat xidmətinin rəhbəri Mais Ağayev deyib.

BNA rəsmisi bildirib ki, Bakıətrafı kənd və qəsəbələrdə sərnişindaşınmanın səviyyəsinin qaldırılması ilə bağlı mühüm işlər görülür:

““Koroğlu” Nəqliyyat Mübadilə Mərkəzinin istifadəyə verilməsi bu işlərin tərkib hissəsidir”.

Mais Ağayev qeyd edib ki, yeni avtobuslar əsasən ən çox şikayət olunan istiqamətlərə veriləcək:

“Misal üçün Qala-Pirallahı, Mərdəkan, Bilgəh, Buzovna, Pirşağı, Maştağa istiqamətində yeni avtobusların verilməsi planlaşdırılır”.

Həmçinin oxu: İlham Əliyev və Birinci xanım Bakıda açılışda - FOTO

BNA rəsmisi həmçinin diqqətə çatdırıb ki, “Koroğlu” Nəqliyyat Mübadilə Mərkəzi bir həftə ərzində sərnişinlərin istifadəsinə veriləcək.

“Metronun “Koroğlu” stansiyasından Nəqliyyat Mübadilə Mərkəzinə qədər yol uzun olduğu üçün günün isti və ya soyuq vaxtlarında sərnişinlərə gəlmək çətin olur. Yaxın vaxtlarda metro stansiyası ilə Nəqliyyat Mübadilə Mərkəzi arasında xüsusi örtüklü dəhlizin inşa edilməsi nəzərdə tutulub. Eyni zamanda, metro stansiyası və onun yanındakı avtobus dayanacağına qədər görmə əngəlli insanlar üçün tratil piltələrin düzəlməsi planlaşdırılıb”.

Mais Ağayev əlavə edib ki, hazırda “Gənclik” və “Nəriman Nərimanov” metrostansiyalarının yaxınlığında Nəqliyyat Mübadilə Mərkəzlərinin hazırlanması ilə bağlı müzakirələr aparılır.

Ramilə Qardaşxanqızı

Bakucity.az

Bakı avtobus istiqamət
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər