Bakıda “Demirchi Tower”dən şüşə parçası qırıldı: xəsarət alanlar var - FOTO

Ərazidəki avtomobillərə ziyan dəyib

Paytaxtın “Xətai” metrostansiyasının yaxınlığında, Xocalı prospektində yerləşən “Demirchi Tower” Biznes Mərkəzinin qarşısında arzuolunmaz hadisə baş verib.

Bakucity.az-ın Sputnik Azərbaycan-a istinadən xəbərinə görə, 20-ci mərtəbədən pəncərənin qırılaraq düşməsi bir neçə nəfərin xəsarət almasına səbəb olub. 

Xəsarət alanlardan birinin azyaşlı olduğunu bildirilir. Onun boğazından xəsarət aldığı, artıq xəstəxanaya yerləşdirildiyi qeyd olunur. Bundan başqa, qırılan şüşə ərazidəki avtomobillərə də ziyan vurub.

“Demirchi Tower”dən bildiriblər ki, hazırda məsələ araşdırılır. 

“20-ci mərtəbədən pəncərənin qırılıb düşməsi nəticəsində yola düşən şüşə qırıntıları isə artıq təmizlənib.

Yaralı və xəsarət alan olmayıb, sadəcə, ola bilər ki, nəsə cızıq yaranıb”, - deyə mərkəzdən verilən məlumatda əlavə olunub.

Bakucity.az