Bakıda piyadanın ölümü ilə nəticələn yol-nəqliyyat hadisəsi baş verib
Bakucity.az xəbər verir ki, Xətai rayonu, "Ukrayna" dairəsi yaxınlığında 1990-cı il təvəllüdlü Cəmil Atabalayev sürücülük vəsiqəsi olmadan, sərxoş vəziyyətdə idarə etdiyi "Mercedes" markalı avtomobillə piyada, 2003-cü il təvəllüdlü Tünzalə Qəhrəmanovanı vurub. Piyada aldığı xəsarətlərdən hadisə yerində dünyasını dəyişib.
Xətai rayon Polis İdarəsi tərəfindən C. Atabalayev barəsində Cinayət Məcəlləsinin 263-1.3-cü (yol hərəkəti və ya nəqliyyat vasitələrinin istismarı qaydalarını sərxoş halda və ya nəqliyyat vasitələrini idarə etmək hüququ olmayan şəxs tərəfindən pozma) maddəsi ilə cinayət işi başlanıb. (APA)
Bakucity.az
