Gülyaz və Gülyanaq Məmmədovaların konserti təxirə salınacaq? - AÇIQLAMA

Gülyaz və Gülyanaq Məmmədovaların konserti təxirə salınacaq? - AÇIQLAMA, Seymur

Xalq artistləri Gülyaz və Gülyanaq Məmmədovaların ailəsində baş verən faciəvi hadisə onların oktyabr ayına nəzərdə tutulan solo konsertinə heç bir təsir etməyəcək. 

Bu barədə Bakucity.az-a xalq artisti Gülyanaq Məmmədova məlumat verib. 

O bildirib ki, bacılarının həyat yoldaşının vəfatı onların ailəsini dərindən kəndərləndirib, lakin bu tədbirin vaxtı, məkanı daha öncədən müəyyənləşdirildiyindən və tamaşaçılara elan olunduğundan konsert proqramı təxirə salınmayacaq: 

“Atalarımız deyib ki, xeyir və şər qardaşdır. Biz sənətçilərin isə bir gözümüz ağalayanda, bir gözümüz daim gülüb, çünki, bizim şəxsi problemlərimizin, dərdlərimizin tamaşaçıya heç bir aidiyyatı yoxdur. Biz bunu səhnəyə yansıtmalı deyilik”, - deyə Gülyanaq Məmmədova bildirib.

Qeyd edək ki, Xalq artistlərinin konserti oktyabrın 30-da Heydər Əliyev Sarayında keçirilicək. “İki qəlbin nəğməsi” adlı konsert proqramı saat 19:00-da başlayacaq.

Xatırladaq ki, Xalq artistləri Gülyaz və Gülyanaq Məmmədovaların bacılarının həyat yoldaşı Mövsüm Məmmədkərimov sentyabrın 24-də Yevlax rayonunda baş verən avtomobil qəzasında həyatını itirib. 

Hadisə zamanı yaralanan Əli və Mahal Məmmədkərimovlar isə Mövsüm Məmmədkərimovun övladlarıdır. 

Gülyanaq Məmmədova onu da əlavə edib ki, hadisə zamanı xəsarət alan şəxslərin vəziyyəti hazırda yaxşıdır və onların müalicəsi davam etdirilir. 

Konsert proqramının keçiriləcəyi vaxt sentyabrınv 1-də elan olunub və həmin tarixdən biletlərin satışına başlanılıb. 

Konsertin biletlərini Heydər Əliyev Sarayının kassalarından, www.iticket.az saytından və “ASAN xidmət” mərkəzlərindən əldə etmək olar.

Ramilə Qardaşxanqızı

Bakucity.az

Gülyaz Gülyanaq Məmmədova konsert
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər