Diana Hacıyeva: Bakıda ən sevdiyim məkan Dağüstü parkın yaxınlığıdır

Diana Hacıyeva: Bakıda ən sevdiyim məkan Dağüstü parkın yaxınlığıdır, Seymur

Tanınmış müğənni, daha çox DiHaj səhnə adı altında fəaliyyət göstərən Diana Hacıyeva Bakucity.az-ın qonağı olub.

İfaçı saytımıza müsahibəsində Bakıda sevdiyi yerlərdən və yeni layihələrindən danışıb.

- 2017-ci ildə “Avroviziya” musiqi yarışmasında Azərbaycanı uğurla təmsil etdiniz, sonra YouTube-da müxtəlif ölkələrin bloggerləri səsinizdən və mahnılarınızdan heyrətləndilər. Müsabiqədən sonra Avropada çıxış etmək üçün təklif aldızmı?

- Bu müsabiqənin xətti ilə müxtəlif fan klubların təşkil etdiyi bir neçə çıxışlarım oldu. Bundan başqa, “Avroviziya” böyük musiqi rəhbərlərinin izlədiyi müsabiqə deyil. Bu dar çevrənin müsabiqəsidir. Ümumiyyətlə, öz işlərimi davam etdirirəm, müxtəlif ölkələrdə çıxış edirəm, təkcə “Avroviziya” iştirakçısı kimi deyil, çünki bu mənim işimdir.

- Xaricdə işləmək üçün sizə müqavilə təklif ediblərmi? 

- Hələ ki, belə təkliflər olmayıb. 

- Bəs belə bir dəvət alsanız, qəbul edərsizmi?

- Hər şey alacağım təklifdən asılıdır (gülümsəyir).

Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-1
Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-1

- Azərbaycanı tərk edib başqa ölkədə işləməyə gedə bilərsinizmi?

- Sənətçi çox çalışmalıdır, inkişaf etməsi üçün bazara ehtiyacı var. Öz sənətində nə qədər çox sahəni əhatə etsə, bir o qədər yaxşıdır. Belə bir fürsət yaranarsa, və bu, sənin gözləntilərinə cavab verərsə, niyə də yox. Bu, doğma ölkəndəki hər şeydən imtina etmək demək deyil. Sən onsuz da azərbaycanlı olaraq qalacaqsan (gülür).

- Xaricdə müxtəlif festivallarda tez-tez çıxış edlirsiniz?

- Sənətimdə bu cür halların çox olduğunu deyə bilmərəm, amma kifayət qədər olub. Ümumiyyətlə, xaricdə təkcə bir ifaçı kimi çıxış etmirəm, bu yaxınlarda Hamburqda artıq 15 ildir keçirilən “International Music Managers Forum”un konfransında iştirak etdim. O, “Reeperbahn” festivalının bir hissəsi kimi keçirilir. Bu tədbirdə mən Azərbaycanı təmsil edən məruzəçi kimi çıxış etdim. Yeri gəlmişkən, ölkəmiz bu forumda ilk dəfə iştirak etdi. Azərbaycanda medianın durumundan danışdım. Bunun yaradıcılıq fəaliyyətimdə yeni bir bölmə olduğunu deyə bilərik. 

Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-2
Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-2

- Ölkəmizin nümayəndəsini bu forumda necə qarşıladılar? 

- Əla! Ümumiyyətlə, bütün iştirakçılara qarşı münasibət eyni idi. Festivalda 30-dan çox ölkə və onların nümayəndələri musiqi sənayesinin tamamilə fərqli sahələrində çıxışlar etdilər, bunlar agentlər, brend menecerləri, marketinq menecerləri və s. idilər. Hər şey məhsuldar və pozitiv keçdi!

- Bir az da çalışdığınız musiqi istiqaməti haqqında danışmaq istəyirəm. Siz həmişə təcrübələra aparmağı, yeniliklərə imza atmağı sevirsiniz, cazdan elektron musiqiyə keçdiniz. Bu gün hansı janrda çalışırsız?

- Əslində, birini digərindən ayırmaq istəməzdim. Mənə elə gəlir ki, bunu öz musiqimizdə mütəmadi olaraq dəyişmək olur, və nəticədə başqa kiçik janrlar yaranır. Sabah nə yaradacağını heç vaxt bilmirsən.

“DiHaj” öz musiqisini yaradır, və ahzırda biz ikinci albom üzərində çalışırıq.

Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-3
Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-3

- Qızınız artıq musiqiyə maraq göstərir. Sənətinizi davam etdirməyinə qarşı deyilsiniz? 

- Təbii ki, əleyhinə deyiləm. Həyat yoldaşım və mən ailədə uşağa təzyiq göstərməmək üçün belə bir siyasət seçdik. Biz ona heç bir sərhəd qoymuruq. Vəziyyət belədir ki, o həm çox oxuyur, həm də çoxlu rəqs edir və bu, onda heç də pis alınmır. Yəqin ki, Bülbül adına musiqi məktəbinə gedəcək (gülür). Hələ ki, uşaq bağçasına gedir.

- Yaxın gələcəkdə daha hansı yeniliklər gözlənilir?

- İndi hələlik ki, YARAT layihəsindəyəm, bu mənim üçün yeni bir hipostazdır. Artıq mənim installyasiyam təqdim olunan bir sərgidə iştirak etmişəm. Bu, musiqi, video və heykəltəraşlıqdan ibarət olan çox intizamlı bir installiyasiya idi. O “Artim Project Space”də iki ay qaldı. İndi dekabr ayında keçiriləcək yeni sərgiyə hazırlaşmalıyıq. Ümumiyyətlə, yaşım artdıqca, digər sənət sahələri mənim üçün daha maraqlı olur.

Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-4
Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-4

- Musiqi sənətindən vizual sənətə gəlməyi necə bacardınız? 

- Bəzi mövzularla bağlı beynimdə maraqlı təsvirlərin, fikirlərin olduğunu özlüyümdə hiss etməyə başladım. Və bu fikirlər həmişə musiqi ilə əlaqəli olmur. Buna görə də biləndə ki, YARAT rezidensiyasına qəbul keçirilir, müraciət etmək qərarına gəldim. 

- Məşhur müğənninin onlara qoşulmaq qərarını YARAT necə qarşıladı? 

- Müsbət qarşıladılar, çünki yeni hər şey üçün açıq olan yaradıcı bir məkandır. 

- Bakıda ən çox sevdiyiniz məkan haradır? 

- Mən Dağüstü parkın yaxınlığındakı məkanı çox sevirəm. Oradan dənizə, göydələnləri və binaları ilə zəngin şəhərin yeni hissəsinə gözəl mənzərə açılır. Əlbəttə, İçərişəhərdə gəzintiyə çıxmağı, “Mantra Space”də oturmağı sevirəm. Mənim üçün bura sadəcə kafe deyil, mən istədiyim vaxt bura gələ və öz işimlə məşğul ola bilərəm: musiqi bəstələmək, mütaliə etmək və ya sadəcə düşünmək. Burada özümü çox yaxşı hiss edirəm! Paytaxtda Elmlyar Akademiyası ərazisini də çox sevirəm, ola bilsin orada ağac çox olduğuna görədir. 

Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-5
Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-5

- Bəs Bakı ilə əlaqədar uşaqlıqdakı ən xoş xatirəniz hansıdır? 

- Əl oyunları idman sarayı. Bu “Bəri bax” ansamblına qoşulduğum dövr idi. Bu sarayda Yeni il şənliyindəki çıxışımızla bağlı hadisə oldu. Biz doqquz nəfər idik, səhnə böyükdür və mahnı başlamazdan öncə səhnəyə çıxmağı çatdırmalıyıq. Oğlanlarımızdan biri büdrəyib süni qarın içinə düşdü (gülür). Ümumiyyətlə, uşaqlıqdan səhnə ilə bağlı çox məzəli xatirələrim var. Bir tərəfdən maraqlı uşaqlıq keçirdim: tamaşalar, qastrollar. Ancaq həftə sonları bütün sinif yığışıb bir yerə gedəndə həmişə üzülürdüm, çünki mənim ya çıxışlarım olurdu, ya da məşq etməliydim. Lakin hələ uşaq ikən mən artıq pul qazanırdım, qonorarlar alırdım.

- Bəs ilk qonorarınızı xatırlayırsız?

- Səhv etmirəmsə, 1998-ci ildə idi, tamaşaya görə 10 dollar almışdım. O dövrdə, xüsusilə səkkiz yaşlı bir uşaq üçün böyük məbləğ idi (gülür).

Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-6
Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-6

 - Yaxın gələcək üçün planlarınızı bölüşün, pərəstişkarlarınız üçün yeni nələrsə hazırlayırsızmı?

- İndi EP yazmağı planlaşdırırq. Bir musiqimizə klip çəkməyi də düşünürük. 2017-ci ildə Yaşıl teatrda verdiyimiz konsert kimi tədbirlər planlamırıq. Musiqi festivallarında iştirak etmək istəyirəm. 

İndi “DiHaj” qrupumuz məndən, Əli Nəsibov və Anar Abdullayevdən ibarətdir, yeni albom yazırıq.

Biz “experimental doom pop” janrında ifa edirik. “Experimenta”l – çünki özümüzü heç bir çərçivəyə salmırıq, doom- melanxolik və düşüncəli bir vəziyyətdir, pop – bənd və xordan ibarət standart bir mahnı formasıdır. 

EP yazıldığı bir solo layihəm də var. Ümumiyyətlə sentyabr ayı digərlərinə nisbətən çox aktiv ay oldu, işlər çox idi. İndi yeni aktiv mərhələ üçün layihələr qurmağa vaxt yarandı. Əlbəttə ki, prioritet mənim fəaliyyətimin musiqi komponentidir.

Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-7
Diana Hacıyeva: Bakıda ən sevdiyim məkan Dağüstü parkın yaxınlığıdır, fotoşəkil-7

Züleyxa İsmayılova

Foto: Nicat Alili

Bakucity.az

Bakı Diana Hacıyeva
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər

Cəmiyyət
Ermənilərin qorxulu röyası olan PUA-nın yeni seriyası gəlir. Türkiyə istehsalı olan pilotsuz uçan aparatlar, o cümlədən "AKINCI” və "Bayraktar TB3” yerli mühərriklər sayəsində daha da təkmilləşdiriləcək. BakuCity.az xəbər verir ki, bu barədə Baykar Texniki Şirkətinin müdiri və T3 Vəqfinin idarə heyətinin sədri Səlçuk Bayraktar "Twitter” sosial şəbəkə hesabından paylaşım edib. Paylaşımda TEI (TUSAŞ Motor Sanayi A.Ş.) tərəfindən istehsal edilən yerli təyyarə...
Cəmiyyət
Azərbaycan Respublikasının Prezidenti İlham Əliyevin avqustun 26-da imzaladığı Sərəncama uyğun olaraq həqiqi hərbi xidmətə növbəti çağırış başa çatıb. Səfərbərlik və Hərbi Xidmətə Çağırış üzrə Dövlət Xidmətindən (SHXÇDX) BakuCity.az-a bildirilib ki, Xidmət tərəfindən Sərəncamın icrası təmin edilib və oktyabr ayı ərzində Azərbaycan Silahlı Qüvvələrinin çağırışçılarla komplektləşdirilməsi müvəffəqiyyətlə yekunlaşdırılıb. Respublikamızda koronavirus infeksiya...
Cəmiyyət
"Vəziyyət kritikdir".  BakuCity.az xəbər verir ki, bunu TƏBİB-in İnfeksion xəstəliklər üzrə işçi qrupunun həkim-infeksionisti Nəzrin Mustafayeva deyib. İnfeksionist bildirib ki, bu şəkildə davam etsə, ölkənin böyük əksəriyyətində yoluxma sayları yüksələcək: "Yoluxmanın 1000-in üzərində olması ciddi bir rəqəmdir. Yoluxanlarının sayının daha da artma ehtimalı var. Xəstəliyin bir insandan digərinə çox asan və sadə yolla yoluxduğuna görə və yoluxma əmsalı yüks...
Cəmiyyət
İzmir 5 bal gücündə daha bir zəlzələ ilə sarsılıb. Türkiyənin İzmir şəhərinin Seferihisar rayonunda baş verən 6,6 bal gücündə zəlzələdən sonra yeraltı təkanlar davam edir. BakuCity.az xəbər verir ki, son olaraq yerli vaxtla 08:31-də 5 bal gücündə daha bir zəlzələ baş verib. Təkanlar ətraf rayonlarda da hiss olunub. Ümumilikdə, dünəndən bəri İzmirdə 400-dən artıq təkan qeydə alınıb, onlardan 31-nin gücü 4 baldan artıq olub. (Haber Global) BakuCity.az
Cəmiyyət
Ermənilər rayonlarımızı atəşə tutmaqda davam edir. Oktyabrın 31-də saat 06.00-dan etibarən Ermənistan silahlı qüvvələri Tərtər, Ağdam və Ağcabədi rayonlarının ərazisini artilleriya atəşinə tutub. BakuCity.az xəbər verir ki, bununla bağlı Azərbaycan Müdafiə Nazirliyi məlumat yayıb. BakuCity.az
Cəmiyyət
Ermənistanın Spitak şəhərinin tibb mərkəzində partlayış baş verib. BakuCity.az xəbər verir ki, bu barədə Ermənistanın Səhiyyə Nazirliyinin mətbuat katibi Alina Nikoqosyan Feysbuk səhifəsində yazıb. “Partlayış “Surb Qriqor Lusavoriç” tibb mərkəzinin ərazisində baş verib. İlkin məlumata görə, oksigen təchizatı sistemi partlayıb. Hadisənin təfərrüatı aydınlaşdırılır”, – o qeyd edib. BakuCity.az
Cəmiyyət
Bunu döyüş bölgəsində oktyabrın 30-u saat 12:00-a qədər olan vəziyyət haqda məlumat verən cəbhə zonasında ezamiyyətdə olan Səxavət Məmməd bildirib. BakuCity.az Səxavət Məmmədin məlumatına görə, bütün cəbhəboyu mövqelərdə üstünlük Azərbaycan ordusunun tərəfindədir: “Yaşayış məntəqələrimizi hədəfə alan düşmən dünən axşam Ağdam və Tərtər istiqamətində yerləşən kəndlərimizi intensiv atəşə tutdu. Dünən Ağdərə istiqamətində də döyüşlər davam edib və düşmən xeyli...
Cəmiyyət
Araik Arutyunyan Şuşa şəhəri ilə "vidalaşdı". Dağlıq Qarabağın marionet rejiminin rəhbəri Araik Arutyunyan Şuşa şəhəri ilə "vidalaşdı". Panik "xalqa müraciətində" Arutyunyan bir gün əvvəl Azərbaycan qoşunlarının şəhərdən beş kilometr aralıda yerləşməsi barədə faciəvi bir nitq söyləməklə kifayətlənmədi və bütün ermənilər onu xilas etmək məcburiyyətindədirlər - komandası göz yaşı tökən bir video da çəkdi. Sanki bir Hollivud əsərindən kadrlardır - Araik çox e...
Cəmiyyət
Prezident İlham Əliyev işğaldan azad olunan yeni ərazilərin adlarını açıqlayıb.  BakuCity.az xəbər verir ki, prezidentin tvitində bildirilir:  "Müzəffər Azərbaycan Ordusu Cəbrayıl rayonunun Xudaverdili, Qurbantəpə, Şahvələdli, Xubyarlı, Zəngilan rayonunun Aladin, Vecnəli, Qubadlı rayonunun Kavdadıq, Məmər, Mollalı kəndlərini işğaldan azad etmişdir. Eşq olsun Azərbaycan Ordusuna! Qarabağ Azərbaycandır!" BakuCity.az