Bakıda tələbə itkin düşüb - Təhsil haqqını ödəyə bilməyiblər - FOTO

Bakıda tələbə itkin düşüb - Təhsil haqqını ödəyə bilməyiblər - FOTO

Azərbaycan Dillər Universitetinin II kurs tələbəsi Əsədulla Cəfərov 11 gündür ki, itkin düşüb

Bakucity.az-ın xəbərinə görə, bu barədə “Qafqazinfo”ya  Ə. Cəfərovun atası Əfqan Cəfərov məlumat verib.

O qeyd edib ki, oğlu ilə sonuncu dəfə sentyabrın 18-də söhbətləşib:

“Əsədulla Azərbaycan Dillər Universitetinin ispan filologiyası ixtisası üzrə təhsil alır. Çox tərbiyəli uşaqdır. İndiyədək hər hansı səhv hərəkəti olmayıb.

Bu il onun təhsil haqqını ödəyə bilmədik. Ödənişi 1500 manat idi. I  kursdan da kəsiri olubmuş. Özü bizə utanıb heç nə deməyib. Həm təhsil haqqını ödəyə bilmədiyimizə, həm də kəsiri olduğuna görə xəcalət çəkib evdən gedib. O gündən bəri məlumatımız yoxdur. Oğluma dedim ki, bu vəziyyətə üzülməsin. Dövlətə müraciət edərik, bizə köməklik edərlər.

Özümüz hazırda Qara Qarayev ərazisində kirayədə qalırıq. 25-ci polis bölməsinə axtarış üçün müraciət etmişəm. Amma məni o tərəf-bu tərəfə yollayırlar. Özüm neçə gündür ki, oğlumu axtarıram. Oğlum hardadırsa, evimizə qayıtsın. Biz onun yolunu gözləyirik”.

Azərbaycan Dillər Universitetinin mətbuat xidmətinin rəhbəri Ağa Cəfərli məsələ ilə bağlı bildirib ki, tələbə itkin düşəndən sonra atası universitetə gələrək dekan və prorektorla görüşüb: 

“Valideyni oğlunun itkin düşməsi ilə bağlı polisə müraciət edib. Hələ ki, bir xəbər yoxdur”.

Qeyd edək ki, Əsədulla Cəfərovu görənlər atası ilə əlaqə saxlaya bilərlər.

Əlaqə telefonu: (050) 461-53-17

Bakucity.az

Bakı tələbə itkin düşüb
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər