Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ

Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, Seymur

Ailəvi tətillər və yaddaqalan fotosessiya üçün əla məkan

Bakucity.az saytı yeni layihəsində paytaxt sakinləri və şəhərimizin qonaqları arasında xüsusi populyarlıq qazanan parklar barədə reportajlar hazırlayıb oxucularının diqqətinə çatdıracaq. Layihə çərçivəsində oxuculara Bakı parklarının tarixçəsi, hazırkı vəziyyəti və infrastrukturu barədə məlumatlar veriləcək, eləcə də bu parklardan fotoreportajlar hazırlanacaq.

İlk olara paytaxtın ən qədim parklarından sayılan “Zabitlər Parkı”na üz tutduq.

Ərazisi dörd hektar olan “Zabitlər Parkı” Bakı sakinlərinin sevimli məkanıdır. Bura həm böyüklər, həm də uşaqlar üçün eyni dərəcədə yaxşıdır. Bu, parkın kifayət qədər yaşıl, fotosessiya və istirahət üçün gözəl guşələrə, xüsusi uşaq meydançalarına sahib olması ilə əlaqədardır. 

Parkın tarixi

Şəhərin ən köhnə parklarından biri, əvvəllər bulvar adlanan Zabitlər parkı  Böyük Vətən müharibəsi illərində faşizmə qarşı döyüşlərdə həlak olan qəhrəmanların xatirəsinə salınıb. Müharibədən sonra bu parka iki dəfə Sovet İttifaqı Qəhrəmanı olan Həzi Aslanovun adı verilib.

Sovetlər dönəmində parkı bulvar adlandırıblar. Elə o vaxtlarda da park tank və toplarla bəzədilib. Bu atributların əksəriyyəti, hərbi oyunları sevən gənclərin xoşuna gəlməkdə idi. Sonradan bu “bəzək əşyaları2 dağıdıldı, çünki şəhərin mənzərəsinə uyğun gəlmirdi, üstəlik çox yer tuturdular. 

Parkda yay kinoteatrı da fəaliyyət göstərib. Paytaxt sakinləri buraya ailəlikcə xarici və yerli filmləri izləmək üçün gəliblər. 2009-cu ildə park iki il müddətinə təmirə bağlanıb. 2011-ci ildə Zabitlər parkının rəsmi açılışı olub. Prezident İlham Əliyev və ölkənin birinci xanımı Mehriban Əliyeva açılışda iştirak ediblər.

İkinci həyat

Parkın yaxşılığa doğru dəyişdiyini də qeyd etmək lazımdır. İndi həm gündüz, həm də axşam eyni dərəcədə gözəldir. Bunun səbəbi, parkın müxtəlif tunc heykəllər və böyük fəvvarə ilə bəzədilməsidir. Müasir işıqlandırma sistemi parkı xüsusilə cəlbedici edir.

Uşaqları əyləndirmək və inkişaf bacarıqlarını stimullaşdırmaq üçün hazırlanmış oyun meydançasının olmasını xüsusilə vurğulamaq lazımdır. Buna görə də parkda hər zaman uşaqların şən səsləri və gülüşləri eşidilir.

Park gənclərə sıx yaşıllıqları, gözəl mənzərəsi ilə maraqlıdır. Açıq havada istirahət üçün parkda çoxlu skamyalar var. Buranın hər küncündə “Instagram” fotoşəkilləri üçün mükəmməl fon var. Peşəkar fotoqraflar da bu məkanda işləməyi sevirlər. 

“Zabitlər parkı”nın yenidən qurulması zamanı təkcə buranı bəzədilməsi yox, çoxillik ağacların qorunub saxlanması da diqqət çəkir. 

Parkın infrastrukturu

Park öz infrastrukturu ilə də cəlb edir. Burada müxtəlif kafe və restoranlar var. Gün ərzində kiçik məkanlarda uşaqlarla yaxşı vaxt keçirə, kabab, dondurma, çərəzlər yeyə bilərsiniz. Axşam saatlarında məşhur “XoXo Club”da istirahət və rəqs etmək olar. Çox adam xatırlayar, qış aylarında parkın ərazisində konkisürmə sahəsi və “buz” kafesi var idi. İndi təəssüf ki, bu əyləncə bağlanıb, amma yerində tezliklə dünyada populyarlıq qazanan yeni, daha populyar və əyləncəli batut gimnastikası olacaq. “Batut Arena”nın açılışı oktyabrın 5-nə planlaşdırılıb. Şübhəsiz ki, təkcə uşaqlar yox, böyüklər də bu açılışı səbirsizliklə gözləyir.

“Zabitlər Parkı” paytaxt sakinlərini keçən əsrdən bəri sevindirir, illər keçdikcə burada vəziyyət daha da yaxşılaşır.

Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-1 Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-2 Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-3 Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-4 Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-5 Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-6 Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-7 Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-8 Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-9 Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-10 Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-11 Uşaqlar və böyüklər üçün: “Zabitlər Parkı” bütün gözəlliyi ilə - FOTOREPORTAJ, fotoşəkil-12

Züleyxa İsmayılova

Foto Nicat Alili

Bakucity.az

Bakı Zabitlər parkı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər