Könül İsmayılova: Deyirdilər ki, əlilliyi olan şəxsi işə götürə bilməzlər - FOTO

Könül İsmayılova: Deyirdilər ki, əlilliyi olan şəxsi işə götürə bilməzlər - FOTO

Bakıda fiziki sağlamlığı məhdud şəxslərin  iş tapmaları mümkündürmü?

Azərbaycanda fiziki sağlamlığı məhdud şəxslərin işə götürülməsi üçün dövlət qurumları üçün kvotalar hazırlanıb. Bu kvotalar pozulduğu təqdirdə müəssisəyə 500-2000 manat cərimə tətbiq edilir.

Bugünkü materialda Bakucity.az Bakıda əlillərin sosial müdafiəsinin nə dərəcədə səmərəli inkişaf etdiyini, onların işlə təmin olunması və əlillər üçün hansı şəraitin yaradılmasını araşdırıb.

“Beynəlxalq Rəssamlar İttifaqının fəalları” və Azərbaycan Rəssamlar İttifaqının üzvü, Azərbaycan və Strasburq Əlil Qadınlar cəmiyyətinin sədri, I qrup əlil Könül  İsmaylova məşğulluq təcrübəsini bizimlə bölüşüb.

K. İsmayılova etiraf etdiyi kimi, uşaq serebral iflic xəstəliyi keçirməsinə baxmayaraq, həmişə işləmək və özünü təmin etmək istəyib. Əlillik üçün müavinət alması kifayət deyildi – rəssam özünü cəmiyyətin tam üzvü hiss etməsi üçün “hər kəs kimi” yaşamağa çalışırdı.

“Rusiya Müasir İnnovativ Humanitar Akademiyasını bitirdikdən sonra iş almağa çalışdım: müsahibələrə getdim, müxtəlif yerlərə CV göndərdim, amma hamısı uğursuz oldu. Hər yerdə mənə anlatdılar ki, əlilliyi olan şəxsi işə götürə bilməzlər.

Könül İsmayılova: Deyirdilər ki, əlilliyi olan şəxsi işə götürə bilməzlər - FOTO, fotoşəkil-1

O dövrdə əsas məşğuliyyətim rəssamlıq idi, amma təəssüf ki, bu sabit qazanc gətirmir. Buna görə də işə düzəlməyimin vacib olduğu düşüncəsini tərk etmədim. Bundan əlavə, bu iş olduqca baha başa gəlir - rəsmlər, yağlar, fırçalar və digər vasitələr”, - deyə Könül İsmayılova bildirib.

Həmçinin oxu: Diana Hacıyeva: Bakıda ən sevdiyim məkan Dağüstü parkın yaxınlığıdır

K.İsmayılova qeyd edib ki, rəfiqəsi ona bir şirkətə sənət biliyi olan işçi tələb edildiyini bildirib. Üstəlik, İsmayılovanın ixtisası “Sənətşünaslıq”  idi.

“Bu barədə mənə serebral iflici olan dostum Nailə Şahverdiyeva məlumat verdi. Söhbət əlilliyi olan bir insanı işə götürməyə hazır olan “Amapola Exclusive Events” şirkəti haqqında gedir. Sonra bu şirkətin meneceri Aysel İskəndərli ilə tanış oldum. Gələcəkdə Aysel xanım  mənə böyük dəstək oldu.

Könül İsmayılova: Deyirdilər ki, əlilliyi olan şəxsi işə götürə bilməzlər - FOTO, fotoşəkil-2

İlk dəfə bu şirkətə gələndə orada işləyən insanlardan və hər detalında bəlli olan yaradıcı mühitdən məmnun qaldım. Düzünü deyim, müsahibədən sonra bu xəyalın gerçəkləşə biləcəyinə şübhə etdim, xüsusən uzun müddət cavab verilmədiyi üçün”, - deyə həmsöhbətimiz etiraf edib.

Bir müddət K. İsmayılova əlillərin işə götürülməsi faktını təsdiqləməli olduqları Sosial Müdafiə Fondundan cavab gözləməli olub. Şirkət işçiləri K. İsmayılovanı hansı işə qəbul etməyə hazır olduqlarını göstərən məktublar yazıblar. Sonda onlar Əmək və Əhalinin Sosial Müdafiəsi Nazirliyində rəssamın bu şirkətdə işləmək qərarına nail olublar.

Həmçinin oxu: Firəngiz Ulutürk: Xəlil dedi ki, bu pilləkanları belə qaçdığına görə səni alacam

Bu kiçik çətinliklərdən və gözləntilərdən sonra “Amapola Exclusive Events” işçilərinin inadkarlığı sayəsində Könül İsmayılova sənət menecerinin köməkçisi kimi yarım maaşla işə qəbul olunub.  O, bu şirkətdə beşinci aydır işləyir.

“Mənim vəzifələrimə yaradıcı fikirlər tapmaq və təqdimatlar hazırlamaq daxildir. Əlbətdə ki, əvvəldə  mənim üçün çətin oldu, amma həmkarlarımın dəstəyi sayəsində iş prosesinə qoşuldum.

Könül İsmayılova: Deyirdilər ki, əlilliyi olan şəxsi işə götürə bilməzlər - FOTO, fotoşəkil-3

“Amapola”da  əsl yaradıcı atmosfer var. Hər növ korporativ və özəl tədbirləri, eləcə də şəhər və dövlət səviyyəsində ictimai tədbirləri təşkil edirik. Bu gözəl şirkətdə çalışdığım üçün çox şadam”!

K.İsmayılovanın sözlərinə görə bu şirkətdə rəssama hamı xoş davranır:

“Burada, ilk növbədə, insanların məni səmimi qarşılamaları, işləməyim və inkişaf etməyimə imkan verməsi çox xoşuma gəlir. İnsanların mənə bir qədər arzulonmaz  baxa biləcəyinə alışmışam. Tez-tez olurdu ki, ictimai nəqliyyatda kimsə yüksək səslə deyə bilərdi ki, belə bir sağlamlıq vəziyyətində evdə oturum ki, heç kimin yer verməsinə ehtiyac olmasın. Müxtəlif müsahibələrə gələndə nədənsə əlillərin də böyümək və pul qazanmaları lazım olduğunu başa düşməkdə çətinlik çəkən insanların açıq bir mənfi reaksiyasına rast gəlirdim. Bu, heç vaxt “Amapola Exclusive Events”də baş verməmişdir, bunun üçün hər kəsə minnətdaram!

Könül İsmayılova: Deyirdilər ki, əlilliyi olan şəxsi işə götürə bilməzlər - FOTO, fotoşəkil-4

Buna görə də hər kəsə demək istəyirəm ki, əlillik cəza deyil! Nə qədər çətin olursa olsun, həm fiziki, həm də əqli cəhətdən irəliləmək vacibdir. Heç vaxt dayanmayın! Bu gün dövlət əlilliyi olan insanlara iş əldə etmək üçün bir fürsət verir və mən hamını bu fürsətdən istifadə edərək hamıya və hər şeydən əvvəl özümüzə cəmiyyətin tam üzvü ola biləcəyimizi sübut etməyə çağırıram”!

Könül İsmayılova: Deyirdilər ki, əlilliyi olan şəxsi işə götürə bilməzlər - FOTO, fotoşəkil-5

Züleyxa İsmaylova

Bakucity.az

Bakı əlillik
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər