Bakıda “Heyvanların Beynəlxalq Müdafiəsi Günü”nə həsr edilmiş konfrans keçirilib – FOTO

Bakıda “Heyvanların Beynəlxalq Müdafiəsi Günü”nə həsr edilmiş konfrans keçirilib – FOTO

“Vətənə olan sevgi onun ən zəif canlısına verilən dəyərlə ölçülməlidir”

“Heyvanlara Münasibətdə Sülhə Çağırış” adlı 1-ci mətbuat konfrans “Alyans” Canlı Aləmin Mühafizəsi İctimai Birliyi və “Yaşıl Patrul” Ekoloji-İctimai Nəzarət Təşkilatı tərəfindən Ümumrespublika Marafonu layihəsi çərçivəsində oktyabrın 4-ü Beynəlxalq Mətbuat Mərkəzinin (BMM) Dəyirmi zalında keçirilib.

Bakucity.az xəbər verir ki, konfransda layihənin rəhbəri, “Alyans” Canlı Aləmin Mühafizəsi İB-in sədri Mənsurə Rəsulzadə, Azərbaycan Respublikasının Təhsil İnstitunun Beynəlxalq əməkdaşlıq şöbəsinin müdiri, əməkdar müəllim Almaz Həsrət, “Modern İnkişaf və Ailə” İB-in sədri Zenfira Quliyeva, İctimai Nəzarət Koalisiyası İdarə Heyətinin sədri Rasim Məmmədov və başqaları çıxış edərək layinənin məqsədi və canlı aləmə münasibəti barədə fikirlərini bölüşüblər.

“Yaşıl Patrul”un vəzifəsi

Tədbiri açan Mənsurə Rəsulzadə, layihə çərçivəsində görüləcək işlər barədə mətbuat nümayəndələrinə və digər qonaqlara məlumat verib:

Bakıda “Heyvanların Beynəlxalq Müdafiəsi Günü”nə həsr edilmiş konfrans keçirilib – FOTO, fotoşəkil-1

“Vətənə olan sevgi onun ən zəif canlısına verilən dəyərlə ölçülməlidir. Çünki, ətraf aləmə verilən sevgi və dəyər insana qarşı deyil, əksinə, insanın rifahının yüksəlməsinə yönəlmiş addımdır. Bu baxımdan, layihənin məqsədi cəmiyyətdə hər bir vətəndaşın düşüncəsini bunlara uyğun olaraq formalaşdırmaq, fəlakətə çevrilmə etimalı olan risklərin qarşısını almaq, vaxtında humanistcə nəzarətə götürmək, qayğı göstərmək və harmoniyada yaşamaqdır.

Konfransın məqsədləri isə müasir dünyanın sivil təcrübəsini tətbiq edən, sevgi və xoşməramlığa sövq edən, başqa insanın və istənilən canlının yerində özünü təsəvvür etmə qabiliyyətini inkişaf etdirən, empoti hislərini canlandıran, xeyirxahlığa ruhlandıran fəaliyyəti ilə humanist düşüncəli insanların sayının cəmiyyətdə artmasına kömək edən və canlı aləmə rəhmsiz davranışın və əməllərin qarşısını baş vermədən alan, mövcud bu kimi ekoloji problemləri isə kollektiv şəkildə, ictimai nəzarət formasında aradan qaldıran, həll edən, ümumrespublika üzrə ayrı-ayrı region və ərazilərin hər birinin özünün sakinlərindən ibarər sahə “Yaşıl Patrul” Ekoloji-İctimai Nəzarət təşkilini məqsəd qoyan Marafon Layihə barədə ictimaiyyətə bəyanat verməkdir.

Azərbaycan Respublikasının Prezidenti yanında Qeyri Hökümət Təşkilatlarına Dövlət Dəstəyi Şurasının “Yaşıl Patrul” Ekoloji-İctimai Nəzarət Marafonu layihəsinə yandırdığı yaşıl işıq bizi ruhlandırdı. Verilən imkan və göstərilən inamdan çıxış edərək və maksimum təşəbbüs göstərərək vətənimizin ekologiyasının ayrılmaz hissəsi olan canlılar aləminin rifahının yaxşılaşdırılmasına, bu illər ərzinə qazandıığımız dünya təcrübəsindən istifadə etməyi məqsədə uyğun hesab edirik. Eləcə də, qüvvədə olan qanunlarımızdan çıxış edərək, hər kəsin yaşından və tutduğu vəzifəsindən asılı olmayaraq öhtəsinə düşən məsuliyyət və imkanlarından irəli gələrək, güclərimizi birləşdirmək məqsədilə əməkdaşlıq əlaqələrimizə baxılması üçün bu və digər əhəmiyyətli fəaliyyət planlarımızı mətbuat nümayəndələrinin köməyi ilə ictimaiyyətə çatdırmaq istəyirik”.

M. Rəsulzadə bu layihənin uğurla həyata keçirilməsi məqsədilə Daxili İşlər Nazirliyi, Ekologiya və Təbii Sərvətlər Nazirliyi, Gənclər və İdman Nazirliyi, Təhsil Nazirliyi, Mədəniyyət Nazirliyi, Fövqəladə Hallar Nazirliyi, Bakı Şəhər İcra Hakimiyyəti, Binəqədi Rayon İcra Hakimiyyəti (layihənin Pilot rayonu), Millət vəkilləri və digər səlahiyyətli şəxslərdən dəstək istəyib:

“Canlı aləmin mühafizəsi sahəsində mövcud problemlərin aradan qaldırmağın yolu, onları yaradan səbəbləri aradan qaldırılmasıdır. Marifləndirmə və təbliğatı artırmaq üçün yerli icra qurumları ilə əməkdaşlığın möhkəmləndiməklə baş verə biləcək belə problemləri azaltmış olarıq”, deyə layihənin rəhbəri bildirib.

“Yaşıl Patrul” Ekoloji-İctimai Nəzarət təşkilatı ətraf mühitin mühafizəsi sahəsində Azərbaycan Respublikasının – Konstitusiyasının 78-ci maddəsində göstərilən “Ətraf mühitin qorunmasının hər bir şəxsin borcu olması” barədə tələbinə (1995-ci il. Müstəqil Azərbaycan Dövlətinin Konstitusiyası), “Ətraf mühitin qorunması ilə bağlı” Azərbaycan Respublikasının Qanununa (18.09.2001), “Ev heyvanlarının ( insanın nəzarətində olan və ya yaşayış yerlərində məskunlaşan) Mühafizəsi haqqında Avropa Konvensiyası”na (30.05.2007), “Heyvanlar aləmi haqqında” Azərbaycan Respublikasının Qanununa (30.12.2003), “Əhalinin ekoloji təhsili və maarifləndirilməsi haqqında” Azərbaycan Respublikasının Qanununa (10.12.2002) əsaslanır.

Qeyd edək ki, 1931-ci ildə Florensiyada (İtaliya) ekoloqların beynəlxalq konqresində heyvanların müdafiəsi günü təqvimə daxil edilib. Oktyabrın 4-ü ona görə seçilib ki, bu gündə müqəddəs katolik Fransisko Assizko vəfat edib. Orta əsr İtaliyasında yaşamış əfsanəvi zahid heyvanların müdafiəçisi və himayəçisi kimi yad olunur. Buna görə də bir çox rəssamlar öz əsərlərində müqəddəs Fransiskonu heyvan və quşların əhatəsində təsvir ediblər.4 oktyabr milliyyətindən, inancından, dinindən, siyasi baxışından və ya ideologiyasından asılı olmayaraq heyvansevər hər bir kəs tərəfindən qeyd edilir. “Heyvanların Beynəlxalq Müdafiəsi Günü” bütün heyvansevərlərə bir yerə toplaşmaq və xeyirxah işlər görmək üçün gözəl imkan yaradır.

Ramilə Qardaşxanqızı

Bakucity.az

Canlı aləm heyvanlar Bakı
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər