Bakıda güclü külək: ağaclar maşınların üstünə aşdı - FOTO

Səhər tezdən başlayan güclü külək nəticəsində paytaxtda 12 ağac aşıb.

Bakucity.az xəbər verir ki, bunu Oxu.Az-a Bakı Şəhər Yaşıllaşdırma Təsərrüfatı Birliyinin Bitkilərin mühafizəsi şöbəsinin rəisi Orxan Məmmədov deyib.

Orxan Məmmədov bildirib ki, 20-dən çox ağacın isə budaqları sınıb:

“Hadisələr Nərimanov, Yasamal, Səbail, Nəsimi, Binəqədi, Xətai və Nizami rayonlarında baş verib”.

Şöbə rəisi əlavə edib ki, paytaxtın iki ərazisində ağac maşının üstünə düşüb:

“Bu hadisələr Səbail və Nizami rayonlarında qeydə alınıb. Hər ikisi normal bioloji inkişafda olan sağlam ağac olub”.

Bakucity.az