Bakı sakinlərini zəhərləyən teplovozla bağlı rəsmi açıqlama - VİDEO

Bakı sakinlərini zəhərləyən teplovozla bağlı rəsmi açıqlama - VİDEO, Seymur

Son vaxtlar havaya çirkli maddələrin və qazların buraxılması ilə bağlı faktlar çoxalıb.Belə faktlardan biri də dəmir yolunda qeydə alınır.

Bakucity.az Baku.ws-ə istinadən xəbər verir ki, Biləcəridə hərəkət edən teplovoz havanı son dərəcə çirkləndirir. Həmin teplovoz hərəkət etdikcə havaya qatı tüstü buraxaraq ətrafda olan insanların sağlamlığına olduqca mənfi təsir göstərir.

Dəmir yolu işçilərindən öyrənilib ki, həmin teplovoz artıq istismar müddətini keçib. İndi onu təmir etsələr belə, yenə də havaya atılan tüstü əvvəlki kimi təmizlənməyəcək.

Bundan başqa, ölkəyə yeni teplovoz gətirilsə də, onlar müasir sistemlə təchiz olunduğu üçün Azərbaycanın dəmir yollarında tam gücü ilə işləyə bilmir:

“Həmin teplovozlar kompüter sistemi ilə çalışır. Onlar köhnə dəmir yolu xəttində hərəkət edərkən müəyyən problemlər yaranır”.

“Azərbaycan Dəmir Yolları” QSC-dən bildirilib ki, videoda göstərilmiş teplovoz İmişlidən Bakıya təmir üçün gətirilib. Teplovoz təmir olunduqdan sonra geri qaytarılacaq.

Həmçinin qeyd olunub ki, “Azərbaycan Dəmir Yolları”nın “Evalution” tipli 10 ədəd yeni teplovozu hazırda tam gücü ilə çalışır.

Bakucity.az

Bakı teplovoz tüstü
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər