Cənubi Koreya telekanalında Bakı haqqında maraqlı veriliş - FOTO

Cənubi Koreya telekanalında Bakı haqqında maraqlı veriliş - FOTO

Cənubi Koreyanın nüfuzlü “KBS” (Korean Broadcasting System) televiziya kanalında yayımlanan populyar “Battle Trip” səyahət verilişinin heyəti Bakıda çəkiliş edib.

Dövlət Turizm Agentliyindən Bakucity.az-a verilən məlumata görə, məşhur gülüş ustaları və veriliş aparıcıları Kim Sook və Sonq Euininin rəhbərlik etdiyi heyət çəkilişlərə Heydər Əliyev Beynəlxalq Hava Limanından başlayıb.

Onlar Qobustan və oradakı palçıq vulkanları, Nizami küçəsi, İçərişəhər, Heydər Əliyev Mərkəzi kimi turistlərin daha çox maraq göstərdiyi məkanlardan reportajlar hazırlayıblar.

Qonaqlar Azərbaycan mətbəxi ilə də yaxından tanış olublar və verilişin əsas hissəsi Bakıdakı yerli və xarici restoranlarda çəkilib.

Verilişin aparıcıları, həmçinin Bakıda ictimai nəqliyyatdan, o cümlədən metrodan və taksidən istifadə edərək burada nəqliyyatın çox gözəl təşkil olunduğunu bildiriblər.

Qeyd edək ki, 2016-cı ildən etibarən hər həftənin şənbə günləri efirə gedən “Battle Trip” əyləncəli səyahət şousu Cənubi Koreya vətəndaşlarının səyahət planlarına və seçimlərinə birbaşa təsir göstərir.

Cənubi Koreya telekanalında Bakı haqqında maraqlı veriliş - FOTO, fotoşəkil-1 Cənubi Koreya telekanalında Bakı haqqında maraqlı veriliş - FOTO, fotoşəkil-2 Cənubi Koreya telekanalında Bakı haqqında maraqlı veriliş - FOTO, fotoşəkil-3 Cənubi Koreya telekanalında Bakı haqqında maraqlı veriliş - FOTO, fotoşəkil-4 Cənubi Koreya telekanalında Bakı haqqında maraqlı veriliş - FOTO, fotoşəkil-5 Cənubi Koreya telekanalında Bakı haqqında maraqlı veriliş - FOTO, fotoşəkil-6 Cənubi Koreya telekanalında Bakı haqqında maraqlı veriliş - FOTO, fotoşəkil-7

Bakucity.az

Bakı Cənubi Koreya veriliş
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər