Bakıda Türk Şurasının VII Zirvə Görüşü keçirilir

Bakıda Türk Şurasının VII Zirvə Görüşü keçirilir

Bu gün Bakıda Türkdilli Dövlətlərin Əməkdaşlıq Şurasının (Türk Şurası) VII Zirvə Görüşü keçirilir.

BakuCity.az xəbər verir ki, görüşdə Azərbaycan Prezidenti İlham Əliyev, Türkiyə Prezidenti Rəcəb Tayyib Ərdoğan, Qazaxıstanın birinci Prezidenti, Türkdilli Dövlətlərin Əməkdaşlıq Şurasının fəxri sədri Nursultan Nazarbayev, Özbəkistan Prezidenti Şavkat Mirziyoyev, Qırğızıstan Prezidenti Sooronbay Jeenbekov və Macarıstanın Baş naziri Viktor Orban iştirak edəcəklər.

Həmçinin oxu: Ərdoğan Bakıya gəlib - FOTO

İlk dəfə olaraq Özbəkistan Türk Şurasının tamhüquqlu üzvü kimi iclasa qatılır. Macarıstan isə təşkilatda müşahidəçi statusundadır.

Qeyd edək ki, oktyabrın 14-də Bakıda Türk Şurası ölkələrinin xarici işlər nazirlərinin iclası keçirilib.

Xatırladaq ki, Şura 2009-cu il oktyabrın 3-də Naxçıvanda yaradılıb. Təşkilatın məqsədi üzv dövlətlər arasında hərtərəfli əməkdaşlığı inkişaf etdirməkdir.

BakuCity.az

Bakı Türk Şurası
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər