Bakı metrosunda yenilik olacaq

Bakı metrosunda yenilik olacaq

Bakı Metropolitenində yeni konsepsiya hazırlanıb.

"Bakı Metropoliteni" QSC-dən BakuCity.az-a verilən məlumata görə, bunu Rusiyanın Nijni Novqorod şəhərində keçirilən "Metro" Beynəlxalq Assosiasiyasına üzv olan metropolitenlərin baş mühəndislərinin ənənəvi illik texniki şurasının iclasında QSC-nin istismar üzrə baş mühəndisi Əlixan Osmanov deyib. 

Metropolitenlərin elektrik təchizatı ilə bağlı problemlərin müzakirəsi zamanı Bakı Metropolitenində belə hallarda tətbiq edilmiş konsepsiya yığıncaq iştirakçılarında böyük maraq doğurub. Azərbaycan Prezidentinin birbaşa tapşırığı ilə qısa müddətdə həyata keçirilən bu layihə Bakı Metropoliteninin daha bir sahədə nümunəvilik aktı kimi, mühəndis fikrinin diqqətini çəkib. Ə.Osmanov bu layihənin Bakı Metropoliteninin yeni xətlərində tətbiq olunacağını da qeyd edib.

Metropolitenin bu xüsusda diqqətəlayiq daha bir layihəsi də həyat əhəmiyyətli kommunikasiyaların elektrik enerjisi ilə fasiləsiz təchizatı barədədir. Bakı Metropolitenində bununla bağlı işlənib hazırlanan konsepsiyanın həyata keçirilməsi istiqamətində işlərə yaxın vaxtlarda başlanılacaq. Bu məsələ elektrik enerjisinin verilişində yaranmış fasilə, eləcə də qısamüddətli problemlərin avadanlıq və sistemlərin işinə təsirinin aradan qaldırılmasını nəzərdə tutur.

Metropolitendən istifadə məhdudiyyəti olan sərnişinlərlə bağlı layihələrdən bəhs edərkən, Ə.Osmanov bu ildən postsovet məkanında nümunəsi olan layihənin Bakıda da həyata keçirilməyə başladığını qeyd edib. Bu məqsədlə yaradılan xüsusi işçi qrupu ilə müvafiq təlimlər keçirilib, həmçinin əlil arabasından istifadə edən sərnişinlər üçün xüsusi qurğular, o cümlədən məhdud hərəkət imkanlı, lakin əlil arabası istifadəçisi olmayan sərnişinlərin də maraqları nəzərə alınıb. Ümumiyyətlə, bu xidmətin fəaliyyət spektri təkcə əlil arabalarının daşınması ilə məhdudlaşmır. Bundan savayı, əhalinin müxtəlif kateqoriyasından olan insanlara, o cümlədən ahıllara, görmə və eşitmə imkanları məhdud, əl yükü olan hamilə xanımlara, uşaq arabası ilə hərəkət edənlərə də xidmət göstərilir.

BakuCity.az

Bakı metro
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin

Şərhlər