Bakıda Müşfiq parkı açıldı - FOTO

Bakıda Müşfiq parkı açıldı - FOTO

15 oktyabrda Bakının Qaradağ rayonu Müşfiqabad qəsəbəsində yerləşən Mikayıl Müşfiqin abidəsinin və şairin adını daşıyan parkın açılışı olub.

BakuCity.az xəbər verir ki, Müşfiqabad qəsəbəsində təxminən 30 il əvvəl qoyulmuş müasir tələblərə və standartlara cavab verməyən büst, bu gün ağ mərmərdən olan yeni büstlə əvəz olunub, parkda isə abadlıq və yenidənqurma işləri aparılıb. Şairin adını daşıyan parkın sahəsi xeyli genişləndirilib və şairin yeni tərtibatda abidəsi qoyulub.

Abidənin açılış tədbirində Qaradağ Rayon İcra Hakimiyyətinin başçısı Süleyman Mikayılov, Milli Məclisin deputatı Mixail Zabelin, YAP Qaradağ rayon təşkilatının sədri, deputat Aydın Hüseynov, Bakı Şəhər İcra Hakimiyyətinin şöbə müdiri Elmin İmanov, tanınmış alimlər, incəsənət xadimləri, Mikayıl Müşfiqin qohumları, qəsəbə sakinləri və digər qonaqlar iştirak ediblər.

Xalq artisti Nürəddin Mehdixanlı Mikayıl Müşfiqə həsr etdiyi şeirini söyləyib, Xalq artisti Zaur Rzayev “Oxu tar” mahnısını ifa edib. Müşfiqabad qəsəbəsində yerləşən 274 nömrəli tam orta məktəbin şagirdləri Mikayıl Müşfiqin şeirlərini söyləyiblər.

Sonda xatirə şəkli çəkilib.

Bakıda Müşfiq parkı açıldı - FOTO, fotoşəkil-1 Bakıda Müşfiq parkı açıldı - FOTO, fotoşəkil-2 Bakıda Müşfiq parkı açıldı - FOTO, fotoşəkil-3 Bakıda Müşfiq parkı açıldı - FOTO, fotoşəkil-4

BakuCity.az

Bakı Mikayıl Müşfiq park
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər