Yeni avtobuslar Bakıətrafı qəsəbələrə hansı halda verilə bilər?

Yeni avtobuslar Bakıətrafı qəsəbələrə hansı halda verilə bilər?

Yeni avtobusların Bakıətrafı qəsəbələrə verilib-verilməməsi məsələsinə aydınlıq gətirilib.

BakuCity.az-ın məlumatına görə, Bakı Nəqliyyat Agentliyinin Mətbuat xidmətinin rəhbəri Mais Ağayev Trend-ə deyib ki, ilk növbədə, vətəndaşların daha çox narazı qaldığı xətlər üzrə yenilənmələr olacaq:

“Bu məqsədlə bir neçə müddətdir daxil olan vətəndaş müraciətləri araşdırılır. Ətraf kənd və qəsəbələr istiqamətində yeni avtobusların istismara verilməsi mümkündür, bir şərtlə ki, orada yol infrastrukturu buna imkan versin. Burada təkcə söhbət yolun saz vəziyyətdə olub-olmamasından getmir. Bilirsiniz ki, yeni avtobuslar 12-18 metrlikdir və bunların qəsəbədaxili yollarda manevr etmə imkanları da mütləq nəzərə alınmalıdır. Belə bir imkan olan ərazilərə yeni avtobusların verilməsi mümkündür və qeyd etdiyim kimi, bu məsələyə baxılır.

Həmçinin oxu: Bakıya gətirilən yeni avtobuslar nə vaxt xəttə buraxılacaq?

Ümumilikdə isə ətraf kənd və qəsəbələrdə sərnişindaşımada göstərilən xidmətin keyfiyyətinin artırılması bu gün bizi qayğılandıran ən vacib məsələlərdəndir. Qarşıdakı aylarda bu məsələ ilə bağlı mühüm irəliləyişlər olacaq. Avtobus parkının yenilənməsi işləri çərçivəsində dövlət tərəfindən yeni nəqliyyat vasitələrinin alınması gələn il də nəzərdə tutulub".

Agentlik nümayəndəsi onu da vurğulayıb ki, yeni avtobusların ən mühüm cəhətlərindən biri onun ekoloji baxımdan daha təmiz olmasıdır:

"Bildiyiniz kimi, bu avtobuslar sıxılmış təbii qazla işləyir. Bu isə ətraf mühitin qorunması, atmosferə daha az tullantının atılması baxımından vacib məqamdır".

BakuCity.az

Bakı ətraf qəsəbələr avtobuslar
Əgər səhv görmüsünüzsə, mətndə səhvi seçin və Ctrl+Enter sıxaraq redaksiyaya göndərin
Şərhlər